تىيانشان تورى خەۋىرى (مۇخبىر گو لىڭ، ئىختىيارىي مۇخبىر جاڭ جياۋېي خەۋىرى، فوتوسى): مۇخبىرنىڭ 9-ئاينىڭ 7-كۈنى ئۈرۈمچى خەلقئارا ئايروپورتى شۆبە شىركىتىدىن ئىگىلىشىچە، نۆۋەتتە، ئۈرۈمچى خەلقئارا ئايروپورتى يولۇچىلار ئايروپىلانغا چىقىدىغان 38 كۆۋرۈككە تۇتاشتۇرۇش مۇھاپىزەت تاختىسى ئورناتقان بولۇپ، ھازىر سىناق تەرىقىسىدە ئىجرا قىلىش ۋە خەۋپ-خەتەر باھالاش تەرتىپىنى قوزغىتىش باسقۇچىدا ئىكەن، پات يېقىندا رەسمىي ئىشلىتىلىشكە كىرىشتۈرۈلىدىكەن.
ئىگىلىنىشىچە، مۇھاپىزەت تاختىسى يولۇچىلار ئايروپىلانغا چىقىش كۆۋرۈكىنىڭ باش تەرىپىدىكى تۇتىشىدىغان رايوننىڭ ئىككى تەرىپىگە ئورۇنلاشتۇرۇلغان، تاختا يۈزىگە يېتەكچىلىك ئەسكەرتمە سۆزى يېزىلغان، «يىغىش» ۋە «قويۇۋېتىش»تىن ئىبارەت ئىككى ھالەتكە ئايرىلغان، سىرتقى كۆرۈنۈشى ئىنتايىن كۆركەم ئىكەن.
