تىيانشان تورى خەۋىرى (مۇخبىر ياڭ گۇاڭ خەۋىرى، فوتوسى): 8- ئاينىڭ ئاخىرىدا، جۇڭگودىكى «ياڭاق يۇرتى» دەپ نام ئالغان قاغىلىق ناھىيەسىدىكى 580 مىڭ مو كۆلەمدىكى ئوخشىغان ياڭاقلار مول ھوسۇل پەسلىنى كۈتۈۋالدى. 8- ئاينىڭ 26- كۈنى، قاغىلىق ناھىيەسىنىڭ سايباغ يېزىسى سايباغ كەنتىدىكى ياڭاقزارلىقتا «قاغىلىق ياڭىقى پىشتى» تېمىسىدىكى ياڭاق ئۈزۈش پائالىيىتى ئۆتكۈزۈلۈپ، مول ھوسۇل شادلىقى تەنتەنە قىلىندى.
تىلغا ئېلىشقا ئەرزىيدىغىنى شۇكى، شۇ كۈندىكى ياڭاق ئۈزۈش پائالىيىتىدە ناخشا-ئۇسسۇل نومۇرلىرى ئورۇنلىنىپلا قالماستىن، يەنە ئەڭ چوڭ قەدىمىي ياڭاق دەرىخى (نېپىز پوستلۇق ياڭاق) دەرىخى «جۇڭگو.شىنجاڭ قاغىلىق ناھىيەسى ياڭاقزارلىقى.<بەخت> دەرىخى» ۋە ئوتتۇرىچە يېشى ئەڭ ئۇزۇن قەدىمىي ياڭاق باغچىسىدىكى (نېپىز پوستلۇق ياڭاق)، «جۇڭگو.شىنجاڭ قاغىلىق ناھىيەسى ياڭاقزارلىقى» دىن ئىبارەت ئىككى تۈردە شاڭخەي دۇنيا جېنىس رېكورتى يوپۇقى ئېچىلدى.