شىنجاڭ گېزىتى خەۋىرى (ئىختىيارىي مۇخبىر مەممەتئېلى ئەنۋەر فوتوسى، خەۋىرى): 8-ئاينىڭ 17-كۈنى، لوپ ناھىيەسى بەشتوغراق يېزىسى سۆگەتبوستان كەنتىدىكى جېنشىن باقمىچىلىق دېھقانلار كەسپىي ھەمكارلىق كوپىراتىپىدىكى مال باققۇچىلار قويلارغا يەم-خەشەك بەرمەكتە. لوپ ناھىيەسى جېنشىن باقمىچىلىق دېھقانلار كەسپىي ھەمكارلىق كوپىراتىپى 2014-يىل قۇرۇلغان بولۇپ، ھازىر بۇ كوپىراتىپنىڭ ئۆلچەملەشكەن قوتان، يەم-خەشەك ئامبىرى، يەم-خەشەك پىششىقلاپ ئىشلەش ئۈسكۈنىسى قاتارلىق يۈرۈشلەشكەن ئەسلىھەلىرى بار، قوتاندا بېقىلىۋاتقان قويدىن 4300 تۇياق بار بولۇپ، بۇ 87 نامرات ئاھالىنىڭ يىللىق ئوتتۇرىچە كىرىمىنىڭ 1500 يۈەندىن ئېشىشىغا تۈرتكە بولىدۇ.
