خەلق تورى خەۋىرى: يېقىنقى كۈنلەردىن بۇيان، شىنجاڭ ئونسۇ ناھىيەسىدىكى دېھقانلار ھاۋا ئوچۇق بولۇشتەك پايدىلىق پۇرسەتنى چىڭ تۇتۇپ، پىشقان بۇغدايلارنى ئورۇپ، دان ئايرىپ ئاپتاپقا سالغاندىن كېيىن دۆلەتكە سېتىپ بەردى، ھەرقايسى سېتىۋېلىش پونكىتلىرى دۆلەتنىڭ ئاشلىق سېتىۋېلىش سىياسىتىنى قاتتىق ئىجرا قىلىپ، دەرىجىسىنى، باھاسىنى چۈشۈرمەي سېتىۋالدى، قۇرۇق تالون بەرمەي، سېتىۋېلىش سۈرئىتىنىڭ تېز، سۈپىتىنىڭ ياخشى بولۇشىغا كاپالەتلىك قىلدى. 7-ئاينىڭ 9-كۈنىگە قەدەر، پۈتۈن ناھىيەدە سېتىۋېلىنغان بۇغداي 14737.67 توننىغا يېتىپ، سۈرئىتى ۋە سۈپىتى بىردەك ئىلگىرىكى يىللاردىكىدىن ياخشى بولدى. (يەن شوۋلىن)
