خەلق تورى خەۋىرى (مۇخبىر مېڭ دېلۇڭ): 2019-يىلى 7-ئاينىڭ 11-كۈنى، باش تومۇز كىرىشنىڭ ئالدىنقى كۈنى، جياڭسۇ ئۆلكىسىنىڭ ياڭجوۋ شەھىرىدە يۇقىرى تېمپېراتۇرىلىق ھاۋارايى كۆرۈلدى، نۇرغۇن ئاتا-ئانىلار بالىلىرىنى ئېلىپ ياڭجوۋ شەھىرىدىكى خۇڭچياۋفاڭ مۇزىكىلىق فونتان مەيدانىغا كېلىپ سۇ ئويناپ، ئارام ئېلىپ، خۇشال-خۇرام ھالدا «سالقىن ياز» دىن بەھرىلەندى.
«ئۈچ تومۇز» _ باش تومۇز، تومۇزنىڭ ئىككىنچى ئون كۈنى ۋە ئاخىرقى تومۇزنىڭ ئومۇملاشتۇرۇلۇپ ئاتىلىشى بولۇپ، بىر يىل ئىچىدىكى تېمپېراتۇرا ئەڭ يۇقىرى، ھەم نەم، ھەم دېمىق بولىدىغان مەزگىل. بۇ يىلقى «ئۈچ تومۇز» جەمئىي 40 كۈن بولۇپ، 7-ئاينىڭ 12-كۈنى باشلىنىپ 8-ئاينىڭ 20-كۈنى ئاخىرلىشىدۇ.