تىيانشان تورى خەۋىرى (قاراماي گېزىتى مۇخبىرى مىن يۇڭ): 7-ئاينىڭ 6-كۈنى كەچقۇرۇن، شىنجاڭ قاراماي شەھەر رايونىنىڭ شەرقىي تەرپىدىكى جىنلۇڭخۇ كۆلى مەنزىرە رايونىنىڭ شىمالىي ئامبار رايونىدا، توپ-توپ كارپ بېلىقلىرى، ئوتخور بېلىقلار كۆل مەركىزىدىكى بۇلاق ئەتراپىدا ئۈزۈشتى، ئوتخور بېلىقلار ئارقا-ئارقىدىن كۆل يۈزىگە سەكرەپ چىقىپ، بۇژغۇن چاچرىتىپ، كەچكى شەپەق نۇرىدا پارقىراپ، يازدىكى جىنلۇڭخۇ كۆلىنىڭ مەنزىرىسىگە گۈزەل تۈس قوشتى.
2015-يىلى سۇ باشلانغاندىن بۇيان، جىنلۇڭ كۆلىگە ئەتىياز پەسىلىنىڭ ئاخىرىدىن كۈز پەسلىنىڭ ئاخىرىغىچە ھەر ھەپتىدە دېگۈدەك بىر قېتىم بېلىجان ياكى يېتىلگەن بېلىقلار قويۇپ بېرىلىپ، بۇ ئارقىلىق كۆل رايونىنىڭ ئېكولوگىيەلىك مۇھىتى ياخشىلىنىپ جانلىقلارنىڭ كۆپ خىللىقى ساقلاندى. ھازىرغا قەدەر، قويۇپ بېرىلگەن سۇ سۈپىتىنى ساپلاشتۇرىدىغان ئوزۇق سۈزگۈچى بېلىق تۈرلىرىدىن ئاساسلىقى چىپار سۇختا بېلىق، لاققا بېلىق، كارپ بېلىقى، تاپان بېلىق، ئوتخور بېلىق قاتارلىقلار بار. ھازىر، بۇ يەردە بېلىق تۈرلىرى مول بولۇپ، سۇ قۇشلىرىنى بۇ يەردە ماكانلىشىشقا، ئوزۇقلۇق ئىزدەشكە جەلپ قىلدى، بۇ ئېكولوگىيەلىك گۈزەل مەنزىرە يەنە شەھەر ئاھالىلىرىنىڭ شەھەر ئەتراپىدا ساياھەت قىلىشىدىكى ياخشى جايغا ئايلاندى.
