تىيانشان تورى   ›   خەۋەر مەركىزى   ›   جايلاردا

شىنجاڭلىق ئەركەكنىڭ كەشتىچىلىككە باغلىغان مۇھەببىتى

قومۇل ئەنئەنىۋى ھۈنەر سەنئەت پونكىتىنىڭ تاۋجياگۇڭدا تۇرۇشلۇق كەشتىچىلىك دۇكىنىدا، قادىر راخمان (ئوتتۇرىدا) يېڭى زاكاز تالونىنى ئۆزى بىلەن ھەمكارلاشقان كەشتىچىگە تاپشۇرۇپ بەردى ھەمدە ئۇنىڭغا كەشتە ئىشلەشتىكى مۇھىم نۇقتىلارنى چۈشەندۈردى (6-ئاينىڭ 28-كۈنى تارتىلغان سۈرەت). (ۋاڭ فېي فوتوسى)

شىنخۇا تورى خەۋىرى: شىنجاڭ قومۇل شەھىرىدىكى بىر كىچىك كەنتتە ئەنئەنىۋى كەشتىچىلىكنى قىزغىن سۆيىدىغان بىر ئەركەك بولۇپ، ئۇنىڭ ئىسمى قادىر راخمان. ئۇنىڭ قول ھۈنىرى ناھايىتى ساز بولۇپ، يەنە بىر ئىسمى «ئەر كەشتىچى»، ئۇنىڭ يەرلىكتە خېلى نامى بار. قادىرنىڭ كەشتىچىلىككە بولغان قىزغىن مۇھەببىتى ئۇنىڭ ئائىلە مۇھىتى تەسىرىدىن كەلگەن. قادىرنىڭ يۇرتى قومۇلدا كەشتىچىلىك يەرلىك ئەنئەنىۋى قول ھۈنىرى ھېسابلىنىدۇ. ئۇنىڭ ئاپىسى ۋە ئاچىسى يەرلىكتىكى داڭلىق كەشتىچىلەر بولۇپ، قادىر كىچىكىدىن باشلاپ مۇشۇ كەسىپتىن تەربىيە ئېلىپ چوڭ بولغان. يەتتە ياشقا كىرگەندە، ئۇ ئاددىي كەشتە نۇسخىلىرىنى سىزالايدىغان بولغان.

ئەمما، قادىرنىڭ كەشتىچىلىك ئىشلىرىغا پۈتۈن ۋۇجۇدى بىلەن كىرىشىش قارارى ئۇنىڭ ئائىلىسىدىكى ئۆزگىرىشتىن كەلگەن. 35 يېشىدا، قادىرنىڭ ئاچىسى كېسەل سەۋەبىدىن ئالەمدىن ئۆتتى. شۇ چاغدىن باشلاپ، ۋاپادار قادىر ئاچىسىنىڭ ئورنىدا جەمەتىنىڭ كەشتىچىلىك ھۈنىرىگە ۋارىسلىق قىلىشنى قارار قىلدى.

بۈگۈنكى كۈندە، كەشتىچىلىك كەسپىدە قادىر مۇقىم كىرىمگە ئىگە بولۇپلا قالماي، يەنە ئەتراپ كەنتتىكى يۈزدىن كۆپ كەشتىچىنى كەسپىي كەشتىچىلىك ئەترىتى قىلىپ تەشكىللەپ، ياستۇق، دوپپا، چىپاۋ قاتارلىق 300 نۇسخىدىن ئارتۇق مىللىي كەشتىچىلىكىدىكى يېڭى مەھسۇلاتلارنى باشلامچىلىق بىلەن لايىھەلىدى. «قومۇل كەشتىچىلىكىگە ئوتتۇرا تۈزلەڭلىك ۋە غەربىي يۇرت خاسلىقى يۇغۇرۇلغان. مەن ئۇنىڭغا داۋاملىق ۋارىسلىق قىلىپ، تېخىمۇ كۆپ كىشىلەرگە قومۇلنىڭ ئەنئەنىۋى كەشتىچىلىكىنى تونۇتسام، دەيمەن» دېدى قادىر.

قومۇل ئەنئەنىۋى ھۈنەر سەنئەت پونكىتىنىڭ تاۋجياگۇڭدا تۇرۇشلۇق كەشتىچىلىك دۇكىنىدا، قادىر راخمان (ئوتتۇرىدا) يېڭى زاكاز تالونىنى ئۆزى بىلەن ھەمكارلاشقان كەشتىچىگە تاپشۇرۇپ بەردى ھەمدە ئۇنىڭغا كەشتە ئىشلەشتىكى مۇھىم نۇقتىلارنى چۈشەندۈردى (6-ئاينىڭ 28-كۈنى تارتىلغان سۈرەت). (ۋاڭ فېي فوتوسى)
قومۇل ئەنئەنىۋى ھۈنەر سەنئەت پونكىتىنىڭ تاۋجياگۇڭدا تۇرۇشلۇق كەشتىچىلىك دۇكىنىدا، قادىر راخمان (ئوڭدىن 1-كىشى) ئېكسكۇرسىيە ۋە تەكشۈرۈشكە كەلگەن چىڭخۇا داشۆسى گۈزەل سەنئەت شۆيۈەنىنىڭ دوتسېنتى لى يىڭجۈن (ئوڭدىن 2-كىشى) بىلەن كەشتىچىلىك ھۈنىرى ھەققىدە پىكىر ئالماشتۇرماقتا (6-ئاينىڭ 28-كۈنى تارتىلغان سۈرەت). (ۋاڭ فېي فوتوسى)
قومۇل ئەنئەنىۋى ھۈنەر سەنئەت پونكىتىنىڭ تاۋجياگۇڭدا تۇرۇشلۇق كەشتىچىلىك دۇكىنىدا، قادىر راخمان (ئوڭدىن 2-كىشى) ئۆزى بىلەن ھەمكارلاشقان كەشتىچىلەرگە كىچىك سوۋغات تارقىتىپ، ئۇلارنىڭ يېقىنقى بىر مەزگىللىك جاپالىق خىزمىتىگە بولغان رەھمىتىنى بىلدۈردى (6-ئاينىڭ 28-كۈنى تارتىلغان سۈرەت). (ۋاڭ فېي فوتوسى)
شىنجاڭ قومۇل شەھىرى ئېۋىرغول رايونىدىكى ئۆيىدە، قادىر راخمان كەشتە تىكمەكتە (3-ئاينىڭ 8-كۈنى تارتىلغان سۈرەت). (ۋاڭ فېي فوتوسى)
شىنجاڭ قومۇل شەھىرى ئېۋىرغول رايونىغا جايلاشقان ئۆيىدە، قادىر راخمان ئۆزى كەشتىلىگەن دوپپىنى كۆرسەتمەكتە (3-ئاينىڭ 8-كۈنى تارتىلغان سۈرەت). (ۋاڭ فېي فوتوسى)
قومۇل ئەنئەنىۋى ھۈنەر سەنئەت پونكىتىدا، قادىر راخمان (سولدا) ئىككى كەشتىچى قىز بىلەن ئۆزى لايىھەلىگەن ئەسەر توغرىسىدا پىكىرلەشمەكتە (3-ئاينىڭ 8-كۈنى تارتىلغان سۈرەت). (ۋاڭ فېي فوتوسى)
شىنجاڭ قومۇل شەھىرى ئېۋىرغول رايونىغا جايلاشقان ئۆيىدە، قادىر راخمان كەشتە ئەسەرلىرىنى رەتلىمەكتە (3-ئاينىڭ 8-كۈنى تارتىلغان سۈرەت). (ۋاڭ فېي فوتوسى)
شىنجاڭ قومۇل شەھىرى ئېۋىرغول رايونىغا جايلاشقان ئۆيىدە، قادىر راخمان كەشتە تىكمەكتە (3-ئاينىڭ 8-كۈنى تارتىلغان سۈرەت). (ۋاڭ فېي فوتوسى)
قومۇل ئەنئەنىۋى ھۈنەر سەنئەت پونكىتىدا، مودېل قادىر راخماننىڭ قولدا كەشتىلىگەن مودا كىيىم ئەسىرىنى كۆرگەزمە قىلماقتا (6-ئاينىڭ 28-كۈنى تارتىلغان سۈرەت). (ۋاڭ فېي فوتوسى)
شىنجاڭ قومۇل شەھىرى ئېۋىرغول رايونىغا جايلاشقان ئۆيىدە، قادىر راخمان گۈللىرىگە قارىماقتا (3-ئاينىڭ 8-كۈنى تارتىلغان سۈرەت). (ۋاڭ فېي فوتوسى)
مەسئۇل مۇھەررىر : زاھىدە مۇتەللىپ

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • رەڭگارەڭ گۈل كۆرگەزمىسىدە دۆلەت بايرىمى تەبرىكلەندى
  • يېڭى ئۆيدە ئولتۇرۇپ يېڭى تۇرمۇش كەچۈرۈش
  • قاناس مەنزىرە رايونى ئاۋاتلاشتى