ئۈرۈمچى كەچلىك گېزىتى خەۋىرى (مۇخبىر جياڭ شياۋ فوتوسى، خەۋىرى): 7-ئاينىڭ 5-كۈنى، شىنجاڭ خەلقئارا چوڭ بازار مەنزىرە رايونىدا، بېيجىڭدىن كەلگەن ساياھەتچى سۈي شۈەن (سولدا) بىلەن ھەمراھى يېڭى سېتىۋالغان داپنى تۇتۇپ سۈرەتكە چۈشتى. سۈي شۈەن ئۈرۈمچىدىكى سەپىرى ئاياغلاشقاندىن كېيىن، يەنە تۇرپانغا بېرىپ ساياھەت قىلىدىغانلىقىنى ئېيتتى. 6-ئاي كىرگەندىن بۇيان، خەلقئارا چوڭ بازار مەنزىرە رايونى 1 مىليون 700 مىڭ ئادەم قېتىم ساياھەتچى كۈتۈۋالدى. شىنجاڭ خەلقئارا چوڭ بازىرى شىنجاڭ ساياھەتچىلىكىنىڭ بىر ئىسىم كارتىسى بولۇش سۈپىتى بىلەن، ھەر قايسى جايلاردىن كەلگەن ساياھەتچىلەرنى جەلپ قىلماقتا. نۆۋەتتە، ئۈرۈمچى شەھىرى، سانجى خۇيزۇ ئاپتونوم ئوبلاستى، تۇرپان شەھىرى، شىخەنزە شەھىرى، قاراماي شەھىرى ساياھەتچىلەرنىڭ ئۆز ئارا ساياھەت قىلىشىنى زور كۈچ بىلەن ئىلگىرى سۈرۈپ، «شىنجاڭنى ساياھەت ئارقىلىق گۈللەندۈرۈش» ئىستراتېگىيەسىنى چوڭقۇر ئىزچىللاشتۇرۇپ ۋە ئەمەلىيلەشتۈرۈپ، بىرلىكتە كۈچ چىقىرىپ شىنجاڭنىڭ پۈتۈن رايون ساياھەتچىلىكى بويىچە مۇھىم ئۈلگە كۆرسىتىش رايونى بەرپا قىلدى، مەدەنىيەت-ساياھەت يۇغۇرما، ماس تەرەققىياتىدا دەسلەپكى ئۈنۈم كۆرۈلدى.
