تىيانشان تورى خەۋىرى (ئىختىيارىي مۇخبىر يەن شوۋلىن): 6-ئاينىڭ 16-كۈنى، شىنجاڭ ئاقسۇ ۋىلايىتى ئونسۇ ناھىيەسى قىزىل بازىرى يىرما كەنتىدىكى دېھقان چىلان دەرەخلىرىگە گۈل چېڭى رېئاكتىۋى چېچىپ، چىلانلارنىڭ مېۋە تۇتۇش نىسبىتىنى ئۆستۈرمەكتە. بۇ يىل كىرگەندىن بۇيان، ئونسۇ ناھىيەسىدىكى دېھقانلار چىلان دەرىخىنى پەرۋىش قىلىش تېخنىكا قائىدىسىگە قاتتىق ئەمەل قىلىپ، چىلان دەرەخلىرىگە قارىتا بىخ ئۈزۈش، ئۇچنى ئۈزۈش، ھەرە قويۇپ بېرىش، سۈنئىي چاڭلاشتۇرۇش، تۇپراقنى بوشىتىپ ئوت-چۆپلەرنى ئوتاش، مۇۋاپىق پەيتتە سۇ قويۇپ ئوغۇتلاش قاتارلىق تەدبىرلەرنى قوللىنىپ، چىلان پەرۋىش قىلىش سەۋىيەسىنى ئۆستۈردى، ھازىر 400 مىڭ مو يەردىكى چىلاننىڭ ئۆسۈش ئەھۋالى ياخشى.
