تيەنجىن «كەچلىك تيەنجىن شەھىرى» بەرپا قىلدى

6-ئاينىڭ 9-كۈنى، كىشىلەر تيەنجىن شەھىرى ۋۇداداۋ كەچلىك ئىقتىساد بويىچە ئۈلگە كۆرسىتىش كوچا رايونىدا سەيلە قىلماقتا.

    شىنخۇا تورى خەۋىرى: تيەنجىن شەھەرلىك ھۆكۈمەت بىر تۈركۈم كەچلىك ئىقتىساد ۋاسىتىلىرىنى قۇرۇش ئارقىلىق، «كەچلىك تيەنجىن شەھىرى»نى بەرپا قىلىپ، شەھەرنى ئېچىۋېتىشنىڭ جانلىقلىق دەرىجىسىنى ئۆستۈردى. نۆۋەتتە، قانال مەدەنىيىتى، تارىخىي قىياپەت، شەھەر ھاياتىي كۈچى قاتارلىق باش تېمىلارنى چۆرىدىگەن شەھەر دەرىجىلىك ئالتە كەچلىك ئىقتىساد بويىچە ئۈلگە كۆرسىتىش كوچا رايونى قۇرۇلۇشى جىددىي ئىشلەنمەكتە، بۇنىڭ ئىچىدە ۋۇداداۋ ۋە يۈنخې شىنتيەندى كەچلىك ئىقتىساد بويىچە ئۈلگە كۆرسىتىش كوچا رايونى ئېچىلىپ تىجارەت باشلاپ، نۇرغۇن شەھەر ئاھالىسى ۋە ساياھەتچىنى سالقىنداش ۋە ئارام ئېلىشقا جەلپ قىلدى.

6-ئاينىڭ 9-كۈنى، تيەنجىن شەھىرى ۋۇداداۋ كەچلىك ئىقتىساد بويىچە ئۈلگە كۆرسىتىش كوچىسىدا، ئوقۇغۇچىلار شەھەر ئاھالىلىرىگە نومۇر ئورۇنلاپ بەرمەكتە. (ما پىڭ فوتوسى)

6-ئاينىڭ 9-كۈنى، كىچىك دوستلار تيەنجىن شەھىرى ۋۇداداۋ كەچلىك ئىقتىساد بويىچە ئۈلگە كۆرسىتىش كوچا رايونىدا ئوينىماقتا. (ما پىڭ فوتوسى)

6-ئاينىڭ 9-كۈنى، تيەنجىن شەھىرى ۋۇداداۋ كەچلىك ئىقتىساد بويىچە ئۈلگە كۆرسىتىش كوچا رايونىدا، شەھەر ئاھالىلىرى يايما ئورنىغا تىزىلغان ئىجادىي فارفور بۇيۇملاردىن ھۇزۇرلانماقتا. (ما پىڭ فوتوسى)