تىيانشان تورى خەۋىرى (ئىختىيارىي مۇخبىر يەن شوۋلىن): 6-ئاينىڭ 8-كۈنى، شىنجاڭ ئاقسۇ ۋىلايىتى ئونسۇ ناھىيەلىك خەلق دوختۇرخانىسىنىڭ توپقان بازىرىدا تۇرۇشلۇق خىزمەت ئەترىتىنىڭ ئەترەت ئەزالىرى تېخنىكا خادىملىرىنى تەكلىپ قىلىپ، كەنت ئاھالىلىرىگە سەۋزىنى كېيىنكى مەزگىللىك پەرۋىش قىلىش تېخنىكا بىلىملىرىنى چۈشەندۈردى. بۇ يىل، بۇ ناھىيە ئۆز جايىنىڭ سۇ، تۇپراق، يورۇقلۇق، ئىسسىقلىق بايلىقى يېتەرلىك بولۇشتەك ئەۋزەللىكىدىن تولۇق پايدىلىنىپ، دېھقانلارنى يېزا ئىگىلىك كەسىپ قۇرۇلمىسىنى تەڭشەشكە پائال يېتەكلەپ، دېھقانلارنى ئۆسۈش مەزگىلى قىسقا، مەھسۇلات مىقدارى يۇقىرى بولغان سەۋزە، شوخلا، چەيزە، لازا قاتارلىق كۆكتاتلارنى ياخشى تېرىشقا ئىلھاملاندۇردى. ھازىر ناھىيە بويىچە 11 مىڭ 700 مو يەرگە يازلىق كۆكتات تېرىلغان بولۇپ، ئۆسۈش ئەھۋالى كىشىنى خۇشال قىلىدۇ.
