5-ئاينىڭ 20-كۈنى، تۇنجى تۈركۈم پويىزنى ئۆتكۈزۈپ بېرىش-تاپشۇرۇۋېلىش مۇراسىمى كۇبانىڭ ھاۋانا پورتىدا ئۆتكۈزۈلدى.
شىنخۇا تورى خەۋىرى: 40 كۈنگە يېقىن سەپەردىن كېيىن، كۆك ۋە ئاق رەڭ ئارىلاشقان جۇڭگو تۆمۈريول يولۇچىلار پويىزى ئاخىرى ئوڭۇشلۇق ھالدا كۇبانىڭ ھاۋانا پورتىغا يېتىپ كەلدى. جۇڭگو ماشىنىسازلىق ئىمپورت-ئېكسپورت (گۇرۇھى) چەكلىك شىركىتى ھۆددىگە ئالغان، جۇڭچې تاڭشەن پاراۋۇز چەكلىك شىركىتى لايىھەلىگەن ۋە ياسىغان تۇنجى تۈركۈم كۇباغا ئېكسپورت قىلىنغان جۇڭگو تۆمۈريول يولۇچىلار پويىزىنىڭ ئۆتكۈزۈپ بېرىش-تاپشۇرۇۋېلىش مۇراسىمى 5-ئاينىڭ 20-كۈنى كەچتە بۇ يەردە ئۆتكۈزۈلدى. بۇ، كۇبانىڭ كۆپ يىللاردىن بۇيان تۇنجى قېتىم يېپيېڭى تۆمۈريول يولۇچىلار پويىزىنى سېتىۋېلىشى ئىدى. بۇ جۇڭگو پويىزلىرىنىڭ يېتىپ كېلىشى، كۇبانىڭ يېقىنقى يىللاردىن بۇيان تۆمۈريول سىستېمىسىنى زامانىۋىلاشتۇرۇش، ئۆزگەرتىشنى پائال ئىلگىرى سۈرگەنلىكىنىڭ مۇھىم نەتىجىسىدۇر.