تىيانشان تورى خەۋىرى (بايىنغولىن گېزىتى مۇخبىرى چۆ . خۇرە): 2019-يىلى 5-ئاينىڭ 20-كۈنى، بىر توپ سۇ قۇشلىرى شىنجاڭ بايىنغولىن موڭغۇل ئاپتونوم ئوبلاستىنىڭ خوشۇت ناھىيەسىدىكى جىنشاتەن سۇلۇق يېرىگە ماكانلاشتى. سەرەتان ئىسسىقى مەۋسۇمىدا، باغراش كۆلىگە ئۇچۇپ كېلىپ «ئەۋلاد» قالدۇرىدىغان سۇ قۇشلىرى تۇخۇم بېسىش باسقۇچىنى ئاياغلاشتۇرۇپ، بەخىرامان ھالدا ياز پەسلىنىڭ گۈزەللىكىدىن بەھرىمەن بولدى.
يېقىنقى يىللاردىن بۇيان، باغراش كۆلى ۋە قايدۇ دەرياسىنىڭ ئېكولوگىيەلىك مۇھىتىنىڭ ياخشىلىنىشىغا ئەگىشىپ، ياۋا ئۆردەك، ئۇقار، قارنا، سۇر لەيلەك، قىزىل تۇمشۇق چايكا قاتارلىق يۈز خىلدىن ئارتۇق قۇش بۇ جايدا ياشاپ كۆپىيىپ، بۇ جاي ياۋا سۇ قۇشلىرىنىڭ ماكانلىشىدىغان شادلىق باغچىسىغا ئايلاندى.