كۆك، ئاق يوللۇق كوپتا ئالدىنقى ئىككى پەسىلدە مودا بولدى. كۆك، ئاق يوللۇق كوپتىنى ماسلاشتۇرۇش ئاسان بولۇپلا قالماي، يامغۇرلۇق كۈنلەردە كىيىشكە تولىمۇ باب كېلىدۇ. بۇ خىل كوپتىنى كىيگەندە ئۈستۈنكى بىر ياكى ئىككى تۈگمىسىنى ئېچىۋەتسەك، يارىشىملىق ھەم مودا كۆرۈنىدۇ.
ئاق رەڭلىك كىيىمگە قايماق سېرىقى، ئاقۇچ سېرىق، ئوچۇق سېرىق قاتارلىق بىر يۈرۈش سېرىق رەڭلىك كىيىملەرنى ماسلاشتۇرغاندا كىشىگە يېقىشلىق تۇيغۇ بېرىدۇ.
يامغۇرلۇق كۈنلەردە سىرتقا چىققاندا، چىرايىمىز بىلەن چاچ پاسونىمىزنى كۈنلۈك توسۇۋالىدىغان بولغاچقا، سېرىق ياكى گۈللۈك كىيىملەرنى كىيىۋالساق يامغۇرلۇق كۈندىكى بىر گۈزەل «مەنزىرە»گە ئايلىنىمىز.
پارقىراق يېشىل رەڭلىك كىيىملەر قۇياش نۇرىدا كىشىگە ئوخشاشلا راھەت تۇيغۇ بېرىدۇ.
يازدا سۇس كۆك رەڭ بىلەن سۇس ھال رەڭ كىيىم كىيگەندە ئادەمگە سالقىن تۇيغۇ بېرىدۇ.
شىنخۇا تورىدىن تەرجىمە قىلىندى