تىيانشان تورى   ›   خەۋەر مەركىزى   ›   مەملىكەت

ئەسلىي ئامېرىكىدا ئىشلەپچىقىرىلغان بىر قىسىم ئىمپورت تاۋارلاردىن قوشۇپ ئېلىنىدىغان تاموژنا بېجى باج نىسبىتىنى ئۆستۈرۈشنى قارار قىلدى

گوۋۇيۈەن تاموژنا بېجى باج قائىدىسى كومىتېتى ئۇقتۇرۇش ئېلان قىلىپ

ئەسلىي ئامېرىكىدا ئىشلەپچىقىرىلغان بىر قىسىم ئىمپورت تاۋارلاردىن قوشۇپ ئېلىنىدىغان تاموژنا بېجى باج نىسبىتىنى ئۆستۈرۈشنى قارار قىلدى

  شىنخۇا ئاگېنتلىقى، بېيجىڭ، 5- ئاينىڭ 13- كۈنى تېلېگراممىسى گوۋۇيۈەن تاموژنا بېجى باج قائىدىسى كومىتېتى 5- ئاينىڭ 13- كۈنى مۇنداق ئۇقتۇرۇش ئېلان قىلدى: 2019- يىلى 5- ئاينىڭ 9- كۈنى، ئامېرىكا ھۆكۈمىتى 2019- يىلى 5- ئاينىڭ 10- كۈنىدىن باشلاپ، جۇڭگودىن ئىمپورت قىلىنىدىغان 200 مىليارد دوللارلىق تىزىملىكتىكى تاۋاردىن قوشۇپ ئېلىنىدىغان تاموژنا بېجى باج نىسبىتىنى ئەسلىدىكى %10تىن %25كە ئۆستۈرۈشنى جاكارلىدى. ئامېرىكا تەرەپنىڭ يۇقىرىقى تەدبىرى جۇڭگو - ئامېرىكا ئىقتىساد - سودا سۈركىلىشى دەرىجىسىنىڭ ئۆسۈشىنى كەلتۈرۈپ چىقىرىدۇ، بۇ، جۇڭگو - ئامېرىكا ئىككى تەرەپ كېڭىشىش ئارقىلىق سودا ئىختىلاپىنى ھەل قىلىش ئورتاق تونۇشىغا خىلاپ بولۇپ، ئىككى تەرەپ مەنپەئىتىگە زىيان يەتكۈزىدۇ، خەلقئارا جەمئىيەتنىڭ ئومۇميۈزلۈك ئارزۇسىغا ئۇيغۇن كەلمەيدۇ. كۆپ تەرەپلىك سودا تۈزۈلمىسىنى قوغداپ، ئۆزىمىزنىڭ قانۇنلۇق ھوقۇق - مەنپەئىتىنى قوغداش ئۈچۈن، جۇڭگو تەرەپ ئەسلىي ئامېرىكىدا ئىشلەپچىقىرىلغان بىر قىسىم ئىمپورت تاۋارلاردىن قوشۇپ ئېلىنىدىغان تاموژنا بېجىنى تەڭشەش تەدبىرىنى قوللىنىشقا مەجبۇر بولدى.

  «جۇڭخۇا خەلق جۇمھۇرىيىتىنىڭ تاشقى سودا قانۇنى» «جۇڭخۇا خەلق جۇمھۇرىيىتىنىڭ ئىمپورت - ئېكسپورت تاموژنا بېجى نىزامى» قاتارلىق قانۇن - نىزام ۋە خەلقئارا قانۇن ئاساسىي پىرىنسىپىغا ئاساسەن، پارتىيە مەركىزىي كومىتېتى، گوۋۇيۈەننىڭ تەستىقلىشى بىلەن، گوۋۇيۈەن تاموژنا بېجى باج قائىدىسى كومىتېتى 2019- يىلى 6- ئاينىڭ 1- كۈنى سائەت 0 دىن باشلاپ، تاموژنا بېجىنى قوشۇپ ئېلىش يولغا قويۇلغان 60 مىليارد دوللارلىق تىزىملىكتىكى ئامېرىكا تاۋارلىرىنىڭ بىر قىسمىدىن قوشۇپ باج ئېلىش نىسبىتىنى ئۆستۈرۈپ، ئايرىم - ئايرىم ھالدا %25، %20 ياكى %10 قوشۇپ باج ئېلىشنى يولغا قويۇشنى قارار قىلدى. بۇنىڭدىن ئىلگىرىكى %5 تاموژنا بېجى قوشۇپ باج ئېلىنىدىغان باج ئوبيېكتى تاۋارلىرىدىن داۋاملىق %5 تاموژنا بېجى قوشۇپ ئېلىنىدۇ.

  جۇڭگو تەرەپنىڭ تاموژنا بېجىنى قوشۇپ ئېلىشنى تەڭشەش تەدبىرى ئامېرىكا تەرەپنىڭ بىر تەرەپچىللىكى، سودا قورۇقچىلىقىغا قايتۇرغان جاۋابى. جۇڭگو تەرەپ ئامېرىكا تەرەپنىڭ ئىككى تەرەپلىك ئىقتىساد - سودا كېڭىشىشىنىڭ توغرا يولىغا قايتىپ، جۇڭگو تەرەپ بىلەن ئورتاق تىرىشىپ، بىر نىشانغا قاراپ ئىلگىرىلەپ، ئۆزئارا ھۆرمەت قىلىش ئاساسىدا ئۆزئارا مەنپەئەت يەتكۈزۈپ تەڭ پايدا ئالىدىغان كېلىشىم ھاسىل قىلىشنى قولغا كەلتۈرۈشىنى ئۈمىد قىلىدۇ.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • مەركەز مالىيەسىدىن ئاجرىتىلغان 2 مىليارد 100 مىليون يۈەن يېزا ئەمىن ئۆي قۇرۇلۇشى تولۇقلىما ياردەم مەبلىغى نەقلەشتى
  • شىنجاڭدا بۇغداينىڭ بىرلىك ھوسۇل رېكورتى يېڭىلىنىپ 731.3 كىلوگىرامغا يەتتى
  • يازدا قومۇل مىڭشا تېغىغا بېرىش