شىنجاڭ گېزىتى خەۋىرى: 4-ئاينىڭ 25-كۈنى، جىنشياڭلوڭ شىركىتىدىكى ئىشچىلار ئۈسكىنىلەرنى تەڭشىمەكتە. جىنشياڭلوڭ شىركىتى 2018-يىلىنىڭ ئاخىرى ئاقسۇ شەھىرى توپلۇق يېزىسىغا «يۈز كەنت مىڭ زاۋۇت» باغچا رايونى ماكانلاشتۇردى، يىلىغا 10 مىليون مېتىر يىرىك توقۇلما ئىشلەپچىقىرىپ، 50 مىليون يۈەن مەھسۇلات قىممىتى يارىتىپ، 150 ئادەمنى ئىشقا ئورۇنلاشتۇردى. بۇ باغچا رايونىغا جېجياڭنىڭ خاڭجۇ شەھىرى شىنجاڭغا ياردەم بېرىش مەبلىغى قۇرۇلۇشى بويىچە 11 مىليون يۈەن مەبلەغ سالدى. 2017-يىلىدىن بۇيان، جېجياڭ ئۆلكىلىك شەھەرلىك ئىككى دەرىجىلىك شىنجاڭغا ياردەم بېرىش قوماندانلىق شىتابى ئاقسۇ ۋىلايىتىدىكى 106 يېزا-بازار (كەنت) دا 472 ئېغىز زاۋۇت بىناسى سېلىپ، 20 مىڭدىن ئارتۇق ئىش ئورنى بىلەن تەمىنلىدى. ( يۈ ليۇدۇڭ فوتوسى)
