تىيانشان تورى خەۋىرى (مۇخبىر جاڭ دۇڭمېي، جاۋ چاڭفۇ): شىنجاڭ ئاقسۇ ۋىلايىتى ئاۋات ناھىيەسى غورۇچۆل بازىرى قاراتال كەنتىدە، يېڭىدىن سېلىنغان ئەمىن تاپقۇزۇپ خەلقنى بېيىتىش ئۆيلىرى قاتار-قاتار سېلىنغانىدى، كەنت ئاھالىلىرىنىڭ ئۆيىدە، يېپيېڭى ئۆي جاھازىلىرى، توك بىلەن ئىسسىتىش ئۈسكۈنىسى ۋە يۈرۈشلۈك تازىلىق ئۆيى ئەسلىھەلىرى بار ئىدى. يېقىندا، ئاپتونوم رايونلۇق خەلق ئىشلىرى نازارىتىنىڭ ئاۋات ناھىيەسى غورۇچۆل بازىرىدا تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتىنىڭ باش يېتەكچىسى سۈن خەيسېن مۇنداق دېدى: 2018-يىلى 6-ئايدىن بۇيان، خىزمەت ئەترىتى غورۇچۆل بازىرىدىكى سەككىز كەنتتە «زامانىۋى مەدەنىي تۇرمۇشنى دېھقانلارنىڭ ئائىلىسىگە كىرگۈزۈش» خەلققە نەپ يەتكۈزۈش تۈرىنى يولغا قويدى، ھازىر خەلققە نەپ يەتكۈزۈش تۈرى جەمئىي 1035 ئائىلىدە تاماملاندى، بۇنىڭ ئىچىدە ئارخىپ تۇرغۇزۇلۇپ كارتا بېجىرىلگەن نامرات ئائىلە 323 بولۇپ، 5130 ئادەم نەپكە ئېرىشتى.
