3-ئاينىڭ 31-كۈنى، جېجياڭ داشۆسى تېببي شۆيۈەنىنىڭ ئوقۇغۇچىلىرى قاتار تىزىلىپ «ئۈنسىز تۆھپىكار ئۇستاز» لار ئابىدىسىگە كېلىپ گۈل تەقدىم قىلماقتا.
شىنخۇا ئاگېنتلىقى خەۋىرى (مۇخبىر لوڭ ۋېي): چىڭمىڭ بايرىمى كېلىش ئالدىدا، جېجياڭ داشۆسى تېببىي شۆيۈەنىنىڭ 300دىن ئارتۇق ئوقۇتقۇچى ۋە ئوقۇغۇچىسى ھەمدە يۈزدىن ئارتۇق ئىجتىمائىي زات جېجياڭ داشۆسىنىڭ «ئۈنسىز تۆھپىكار ئۇستاز» لار ئابىدىسى ئالدىدا ياد ئېتىش پائالىيىتىگە قاتنىشىپ، تېببىي پەن مائارىپى، تەتقىقات كەسپى ئۈچۈن تۆھپە قوشقان 702 نەپەر «ئۈنسىز تۆھپىكار ئۇستاز» غا ئالىي ئېھتىرام بىلدۈردى. «ئۈنسىز تۆھپىكار ئۇستاز» لار مېدىتسىنا ساھەسىدىكى جەسىتىنى تەقدىم قىلغۇچىلارنىڭ ھۆرمەت نامى.