خەلق تورى، بېيجىڭ، 3-ئاينىڭ 21-كۈنى تېلېگراممىسى (مۇخبىر ۋېڭ چىيۈ): «ئۇلۇغ ئۆزگىرىش − ئىسلاھات ئېچىۋېتىش يولغا قويۇلغانلىقىنىڭ 40 يىللىقىنى تەبرىكلەش چوڭ تىپتىكى كۆرگەزمىسى» 3-ئاينىڭ 20-كۈنى مۇۋەپپەقىيەتلىك ئاياغلاشتى. كۆرگەزمە ئېچىلغاندىن بۇيان، كۆرگەزمىنى ئېكسكۇرسىيە قىلغانلارنىڭ سانى جەمئىي 4 مىليون 230 مىڭ ئادەمگە يەتتى، نەق مەيداندا 3 مىليون 120 مىڭ خەتلىك سۆز قالدۇرۇلدى. كۆرگەزمە سارىيىنى توردا چېكىپ كۆرگەنلەرنىڭ ئومۇمىي سانى 403 مىليون 300 مىڭ قېتىمغا يەتتى، ئىسلاھات ئېچىۋېتىش يولغا قويۇلغانلىقىنىڭ 40 يىللىقىنى تەبرىكلەش ئۈچۈن قويۇق كەيپىيات يارىتىلىپ، باش تېما كۆرگەزمىسىنىڭ يېڭى ئۈلگىسى تىكلەندى.
