باش مۇخبىرلىرىمىز يۈ مىڭفەن، جاڭ ۋەندې خەۋىرى: خەيرلىك سەھەر، سۆيۈملۈك دوستۇم. بۈگۈن ئۈرۈمچىدە ھاۋا ئوچۇق بەزىدە بۇلۇتلۇق بولۇپ، ئەڭ يۇقىرى تېمپېراتۇرا ℃6، ئەڭ تۆۋەن تېمپېراتۇرا ℃4- بولىدۇ، ئۈچ بال شامال چىقىدۇ.
بۇ ئىككى كۈندىن بۇيان تېمپېراتۇرا كۈندىن-كۈنگە ئۆرلەپ، ئەڭ يۇقىرى تېمپېراتۇرا ئالدىنقى كۈنى ℃1.9، تۈنۈگۈن℃3.9 بولدى. ئوچۇق ھاۋادا كىشىلەرنىڭ كەيپىياتى تېخىمۇ كۆتۈرۈلۈپ قالدى.
پۈتۈن شىنجاڭ مىقىياسىدىن قارىغاندا، بۈگۈن جەنۇبىي شىنجاڭنىڭ كۆپ قىسىم جايلىرىدا داۋاملىق چاڭ-توزانلىق ھاۋارايى كۆرۈلىدىكەن؛ قەشقەر ۋىلايىتىنىڭ تاغلىق رايونلىرى، قىزىلسۇ قىرغىز ئاپتونوم ئوبلاستىنىڭ تاغلىق رايونلىرى قاتارلىق جايلارنىڭ قىسمەن رايونلىرىدا ئازراق قار ياغىدىكەن. باشقا رايونلاردا ھاۋا ئوچۇق بەزىدە بۇلۇتلۇق بولۇپ، شامال كۈچى چوڭ بولمايدىكەن.