تىيانشان تورى   ›   تۇرمۇش   ›   يېزا ئىگىلىك ساۋاتلىرى

باش باھاردا قويلارغا ئىلمان سۇ بېرىش كېرەك

    ئەتىيازدا تېمپېراتۇرا بىر قەدەر تۆۋەن بولىدۇ، بۇ ۋاقىتتا قويلارغا سوغۇق سۇ ياكى مۇز سۈيى بېرىلگەندە، قوينىڭ سۇ ئىچكۈسى كەلمەي، قويدا سۇ يېتىشمەسلىك ئەھۋالى كۆرۈلىدۇ. بۇنداق بولغاندا قوينىڭ يەمنى ھەزىم قىلىش ئىقتىدارى ئاستىلاپلا قالماي، قوي تېنىدىكى مېتابولىزىم تەسىرگە ئۇچراپ قويلار ئورۇقلاپ كېتىدۇ ۋە ھەر خىل كېسەللىكلەرگە گىرىپتار بولىدۇ.

    سۇنىڭ تېمپېراتۇرىسى: قوي ئىچىدىغان سۇنىڭ تېمپېراتۇرىسى بەك تۆۋەن بولغاندا سۇ قوينىڭ بەدىنىدىكى يەم خەشەكتىن ئايلانغان ئىسسىقلىقنى سۈمۈرىۋېلىپ، يەمنىڭ پايدىلىنىش ئۈنۈمىنى تۆۋەنلىتىۋېتىدۇ. شۇڭا، ئەتىيازدا قويغا بېرىلىدىغان سۇنىڭ تېمپراتۇرىسى 20-30 سېلسىيە گرادۇسقىچە بولسا مۇۋاپىق.

    سۇ بېرىش ئۇسۇلى: قوينىڭ سۇنى يېتەرلىك ئىچىشىنى ئىلگىرى سۈرۈش ئۈچۈن، قويغا بوغۇز شورپىسى بەرسەك بولىدۇ. ئاۋۋال بوغۇزغا قايناقسۇ قۇيۇپ ئېرىتىپ تەكشى ئارىلاشتۇرىمىز، ئاندىن ئۇماچ ھالىتىگە كەلگەندىن كېيىن، مۇۋاپىق مىقداردا سۇ قوشۇپ تەكشى ئارىلاشتۇرۇپ قويغا بەرسەك بولىدۇ.

    سۇنىڭ مىقدارى: قوي بىر كىلوگىرام قۇرۇق يەم-خەشەك يېسە 3-5 كىلوگىرامغىچە سۇ ئىچىشى كېرەك. شۇڭا ئەتىيازدا قوينىڭ ئوت-چۆپ يېيىش ئەھۋالىغا ئاساسەن، قويغا قۇرۇق ئوت-چۆپنىڭ 3-5 ھەسسىگە توغرا كېلىدىغان مىقداردا سۇ بېرىش كېرەك.

    سۇ بېرىش ۋاقتى: قوي ئىچىدىغان سۇنىڭ تېمپېراتۇرىسى تۆۋەن بولسا، قوي ئاچ قورساق ھالەتتە سۇ ئىچكەندە، قوينىڭ بەدەن تېمپېراتۇرىسىمۇ تۆۋەنلەپ زۇكامداپ ياكى قىزىپ قالىدۇ، بوغاز قويلار سوغۇق سۇ ئىچسە بالىسى ئاسان چۈشۈپ كېتىدۇ. قوي بېقىشتا قوي يەم-خەشەك، ئوت-چۆپلەرنى يەپ بىر سائەتتىن كېيىن ئاندىن سۇ بەرسە مۇۋاپىق، بۇنداق بولغاندا سۇ بىلەن يەم-خەشەك قوينىڭ ئاشقازىنىدا تولۇق ئارىلىشىپ ئاسان ھەزىم بولىدۇ.

ئەسلى ماقالىنى بۇ يەرنى چېكىپ كۆرۈڭ

مەسئۇل مۇھەررىر : نىجات نىياز

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • خەينەن سەنيا: تيەنياخەيجياۋنىڭ گۈزەل مەنزىرىسى
  • قومۇل شەھىرى: لوپنۇر كۆلى كالىيلىق تۇز كانىدىكى تۇز كاندۇكلىرى سۈرەتتەك تۈسكە كىردى
  • قىش ئايلىرىدىكى سۈرەتتەك گۈزەل قابا
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى