تىيانشان تورى   ›   تۇرمۇش   ›   تۇرمۇش لۇغىتى

چاچ ئاسرايدىغان يېمەكلىكلەر

  ھازىر، بازارلاردا چاچ ئاسراش مەھسۇلاتلىرى بارغانسېرى كۆپەيمەكتە. ناھايىتى ئاز ‏ساندىكى كىشىلەر يېمەك-ئىچمەكنى تەڭشەشنىڭ چاچ ئاسراشتا بەلگىلىك رولى بارلىقىنى بىلىدۇ.

  ‏تۇخۇم. چاچنىڭ ئاساسلىق تەركىبى ئاقسىل. تۇخۇمدا مول ئاقسىل، يەنە زور مىقداردا بىيوتىن ‏بار. بۇ بىيوتىنلار چاچ چۈشۈشنىڭ ئالدىنى ئېلىپ، چاچنىڭ ئۆسۈشىنى ئىلگىرى سۈرىدۇ. بۇنىڭدىن ‏سىرت، تەتقىقاتلاردا بايقىلىشىچە، تۇخۇم سېرىقىدا بىر خىل «چاچ ئۆستۈرۈشنى غىدىقلىغۇچى ماددا» بولۇپ، تۈك ھۈجەيرىسىنىڭ ئەسلىگە كېلىشى ۋە ئۆسۈشىگە ياردەم بېرىدىكەن.

  ‏سەۋزە. سەۋزە باش تېرىنىڭ بىر خىل تەبىئىي تېرە يېغى ئاجرىتىپ چىقىرىشىغا تۈرتكە بولۇپ، ‏چاچ يىلتىزىنىڭ ساغلاملىقىنى ساقلىيالايدۇ. بۇنىڭدىن سىرت، سەۋزىدە يەنە مول كاروتېن بار بولۇپ، ‏ئادەم بەدىنىدە ۋىتامىنA‏ غا ئايلىنالايدۇ، بۇ ئوزۇقلۇق ماددا باش تېرىنىڭ قۇرغاق بولۇشى ‏قاتارلىق مەسىلىلىرىنى ياخشىلايدۇ. ‏

   ياڭاق. قۇياش نۇرى چېچىمىزنى قۇرغاق ھەم يىرىك قىلىپ قويىدۇ، ياڭاقتىكى مول ئومېگا 3 ياغ ‏كىسلاتاسى ۋە ۋېتامىن ‏E‏ قۇياش نۇرى چاچقا ئېلىپ كەلگەن زەخمىنى يېنىكلىتەلەيدۇ. بۇنىڭدىن ‏سىرت، ياڭاق قاتارلىق قاتتىق پوستلۇق مېۋىلەردىكى مول مىس ئېلېمېنتى يەنە سىزنىڭ ساغلام، ‏تەبىئىي چاچ رەڭگىنى ساقلىشىڭىزغا ياردەم قىلىدۇ. ‏

   گەنجۈ تۈرىدىكى مېۋىلەر. چېڭزى، جۈزە قاتارلىق گەنجۈ تۈرىدىكى مېۋىلەردە مول ۋىتامىن C‏ ‏بولۇپ، چاچ ئۇچىنىڭ يېرىلىپ كېتىشى، چاچنىڭ يىرىك بولۇپ كېتىشىنىڭ ئالدىنى ئېلىشقا پايدىسى ‏بار. بۇ تۈردىكى مېۋىلەر يەنە چاچ خالتىسى ئەتراپىدىكى قىل قان تومۇرلارنى غىدىقلاپ، چاچ ‏چۈشۈشنىڭ ئالدىنى ئالىدۇ. ‏

خەلق تورىدىن تەرجىمە قىلىندى.

ئەسلىي ماقالىنى بۇ يەرنى چېكىپ كۆرۈڭ.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • نىڭبو-كۇچا ئىتتىپاقلىق كەنتىدىكى تۆت ئەۋلاد كىشىلەرنىڭ دەۋر ئەسلىمىسى
  • باھاردا كۆكلەم سەيلىسى قىلىش
  • نەشپۈت چېچىكى ساياھەتچىلەرنى مەستخۇش قىلدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى