تىيانشان تورى 2-ئاينىڭ 22-كۈنى خەۋىرى(مۇخبىرلىرىمىز فۇ گۇاڭيۈ، دۇڭ شى): «كالېنىڭ ھايۋانات پادىشاھلىقى» ئۈرۈمچى شەھىرى تىيانشان رايونى گۇاڭمىڭ يولى دەۋر مەيدانىنىڭ بەشىنچى قەۋىتىگە جايلاشقان، كۆلىمى بەش مىڭ كىۋادرات مېتىردىن ئاشىدىغان چوڭ تىپتىكى ئۆي ئىچى ئېكولوگىيەلىك ھايۋانات باغچىسى بولۇپ، نۆۋەتتە كەركىدان قۇش، كاراكال مۈشۈك، كىچىك ئېيىق، چۈمۈلىخور قاتارلىق يۈزدىن كۆپرەك تۈردىكى مىڭدەك ياۋايى ھايۋان بار.
بۇ يەردە ساياھەتچىلەر «كالېنىڭ ھايۋانات پادىشاھلىقى»دىكى نۇرغۇن ياۋايى ھايۋان بىلەن يېقىندىن ئۇچرىشالايدۇ، بولۇپمۇ، شاتۇتى بىلەن سايمىرى مايمۇنى ساياھەتچىلەرنىڭ مۈرىسىگە ۋە بېشىغا چىقىۋالىدۇ.
«توشقانچاق بەك گەپ ئاڭلايدىكەن»
«ئاپا، قولۇمدىكى شاتۇتىغا قارىغىنە!»
«شاتۇتى بەك چىرايلىقكەن!»
كىچىك دوستلار ئامبار چاشقىنىنى كۆزەتمەكتە.