K1316 قېتىملىق پويىز يولۇچىلار ئۈچۈن ئىسسىق تاڭيۈەن تەييارلىدى.
شىنخۇا تورى، فۇجوۋ، 2-ئاينىڭ 20-كۈنى تېلېگراممىسى. 2-ئاينىڭ 19-كۈنى 11دىن 50 مىنۇت ئۆتكەندە، فۇجوۋدىن كۆكخوتقا بارىدىغان K1316 قېتىملىق پويىز دەل ۋاقتىدا قوزغالدى. بۇ قېتىملىق پويىز 43 سائەتلىك مۇساپىنى بېسىپ ئۆتىدىغان بولۇپ، تېمپېراتۇرىسى 22 سېلسىيە گىرادۇسلۇق رۇڭچېڭدىن، تېمپېراتۇرىسى نۆلدىن تۆۋەن 10 سېلسىيە گىرادۇس بولغان كۆكخوت شەھىرىگە قاراپ يولغا چىققانىدى.
بۇ ۋاقىت دەل يۈەنشياۋ بايرىمىغا توغرا كەلگەنىدى، يولۇچىلارغا بايرام كەيپىياتىنى ھېس قىلدۇرۇش ئۈچۈن، پويىز خادىملىرى تېپىشماق تېپىش، ناخشا ئېيتىش مۇسابىقىسى قاتارلىق ھەرخىل پائالىيەتلەرنى ئورۇنلاشتۇرۇپ، يولۇچىلارغا خۇشاللىققا تولغان يۈەنشياۋ بايرىمى ئۆتكۈزۈپ بەردى.