ئىختىيارىي مۇخبىرىمىز نيەن لېي، خې ياڭ، خەي چاۋ فوتوسى، خەۋىرى: 2-ئاينىڭ 18-كۈنى كەچ، شىنجاڭ بايىنغولىن موڭغۇل ئاپتونوم ئوبلاستى باغراش ناھىيەسى بەيشىن ئىستىراھەت باغچىسى قاينام-تاشقىنلىققا چۆمدى، قاتار-قاتار ئېسىلغان گۈللۈك پانۇسلار نۇرغۇن ئاھالىلەرنى بۇ يەرگە كېلىپ پانۇس تاماشا قىلىشقا جەلپ قىلدى. بۇ قېتىمقى پانۇس كۆرگەزمىسىدە «يۈەنشياۋ بايرىمى»، «جۇڭگو ئارزۇسى»، «سوتسىيالىستىك يادرولۇق قىممەت قارىشى» قاتارلىق 70 گۇرۇپپىدىن تەركىب تاپقان رەڭدار پانۇسلار ئالاھىدە جىلۋىلىنىپ، جۇڭخۇا خەلق جۇمھۇرىيىتى قۇرۇلغانلىقىنىڭ 70 يىللىقىغا تەنتەنە قىلىنىپ، خۇشال-خۇرام بايرام كەيپىياتى شەكىللەندى.
