چاغاندا شىنجاڭنى ساياھەت قىلىش قىزغىنلىقى يۇقىرى كۆتۈرۈلدى

پۈتۈن شىنجاڭدا كۈتۈۋېلىنغان ساياھەتچى 3 مىليون 11 مىڭ 700 ئادەم قېتىم بولۇپ، ساياھەتچىلىكتىن قىلىنغان كىرىم 3 مىليارد 616 مىليون يۈەنگە يەتتى

 چاغان مەزگىلىدە، باغراش كۆلى قار-مۇز ساياھەت قىزغىنلىقى داۋاملىق يۇقىرىلاپ، چاغانلىق قار-مۇز ساياھىتىنى ھېس قىلىشتىكى قالتىس تۈرلەر ھەر قايسى جايلاردىن كەلگەن ساياھەتچىلەرنى جەلپ قىلدى. ئىستاتىستېكىغا قارىغاندا، 2-ئاينىڭ 6-كۈنى باغراش كۆلى (شىخەي بېلىقچىلىق كەنتى) ساياھەت رايونىدا كۈتۈۋېلىنغان ساياھەتچى 12 مىڭ ئادەم قېتىمدىن ئاشقان. سۈرەتتە: 2-ئاينىڭ 6-كۈنى سائەت 16 دە، ساياھەتچىلەر ساياھەت رايونىدا ئات چانىسىغا ئولتۇرماقتا.

    تىيانشان تورى خەۋىرى (مۇخبىرىمىز ۋاڭ جىڭجىڭ، ئىختىيارى مۇخبىرىمىز نىيەن لېي، تاڭ چى خەۋىرى فوتوسى): 2019-يىللىق چاغان مەزگىلىدە، شىنجاڭنىڭ ھەر قايسى جايلىرىدىكى مەدەنىيەت-ساياھەت پائالىيەتلىرى تولىمۇ رەڭدار بولدى. 2-ئاينىڭ 10-كۈنى مۇخبىرنىڭ ئاپتونوم رايونلۇق مەدەنىيەت-ساياھەت نازارىتىدىن ئىگىلىشىچە، 2-ئاينىڭ 4-كۈنىدىن 10-كۈنىگىچە، پۈتۈن شىنجاڭدا كۈتۈۋېلىنغان ساياھەتچى 3 مىليون 11مىڭ 700 ئادەم قېتىمغا يېتىپ، بۇلتۇرقى ئوخشاش مەزگىلدىكىدىن %71.33 ئاشقان، ساياھەتچىلىكتىن قىلىنغان كىرىم 3 مىليارد 616 مىليونغا يېتىپ، بۇلتۇرقى ئوخشاش مەزگىلدىكىدىن %74.42 ئاشقان، ساياھەتچىلەرنىڭ كىشى بېشى ئىستېمالى 1200.65 يۈەنگە يەتكەن. بۇنىڭ ئىچىدە، شىنجاڭلىق ساياھەتچىلەر 2مىليون 181مىڭ 600 ئادەم قېتىمغا يېتىپ، بۇلتۇرقى ئوخشاش مەزگىلدىكىدىن %81.78 ئاشقان. باشقا جايلاردىن كەلگەن ساياھەتچىلەر 830 مىڭ مىليون 100 ئادەم قېتىم بولۇپ، بۇلتۇرقى ئوخشاش مەزگىلدىكىدىن %48.85 ئاشقان.