شىنجاڭ گېزىتى خەۋىرى(ئىختىيارىي مۇخبىر خۇ شياۋلى خەۋىرى): سانجى شەھىرى رايون، كۈن نۇرى، تۇپراق ئەۋزەللىكىنى تايانچ قىلىپ، دېھقانلارنى ئىلمىي تېرىقچىلىق ئارقىلىق ھاراق ئېچىتىدىغان ئۈزۈم ئۆستۈرۈشكە يېتەكلىدى، شۇنىڭ بىلەن بىرگە، ھاراق جاڭزىسى قۇرۇش، ھاراق ئېچىتىدىغان ئۈزۈم سورتىنى ياخشىلاش، ئىنچىكە باشقۇرۇش ۋە كەسىپلەشتۈرۈپ باشقۇرۇشنى يولغا قويۇش ئارقىلىق، ھاراق ئېچىتىدىغان ئۈزۈم ئۆستۈرۈشتىن ئىبارەت بۇ «شېرىن كەسىپ»تىن پايدىلىنىپ، دېھقانلارنىڭ كىرىمىنى ئاشۇردى. نۆۋەتتە، سانجى شەھىرىنىڭ سەنگۇڭ بازىرى، ليۇگۇڭ بازىرى، يۈشۇگۇ بازىرى قاتارلىق يېزا-بازارلار ھاراق ئېچىتىدىغان ئۈزۈم ئۆستۈرۈشنى تايانچ قىلىپ، يېزا ئىگىلىك، سانائەت، ساياھەتچىلىكنى ئۆز ئىچىگە ئالغان ئۈزۈم ھارىقى ئومۇمىي كەسىپ زەنجىرىنى بەرپا قىلدى.
1-ئاينىڭ 27-كۈنى، سانجى شەھىرى يۈشۇگۇ بازىرى ئالغا كەنتى ئاھالىسى چيۇ ۋېنشيەن بۇ يىل ئۈزۈم سۈپىتىنى قانداق ئۆستۈرۈشنى پىلانلاۋاتاتتى. ئۇ 2018-يىلى 200 مو يەرگە ئورگانىك ھاراق ئېچىتىدىغان ئۈزۈم ئۆستۈرگەن بولۇپ، ھەممىسىنى شۇ جايدىكى ھاراق زاۋۇتلىرىغا سېتىپ بەرگەنىدى.
نۆۋەتتە، سانجى شەھىرىنىڭ ھاراق ئېچىتىدىغان ئۈزۈم ئۆستۈرۈش كۆلىمى 25 مىڭ موغا يېتىپ، توققۇز ھاراق جاڭزىسى مەيدانغا كېلىپ، ھاراق مەدەنىيىتى كۆرگەزمىخانىسى، ئۈزۈم ئۈزۈش، يېمەك-ئىچمەك، قىزىل ھاراقنى تېتىپ باھالاش بىر گەۋدىلەشكەن مېۋىلەرنى تۈجۈپىلەپ پىششىقلاپ ئىشلەش كارخانىلىرى يېڭى ئەندىزىسى شەكىللىنىپ، مەھسۇلاتلار مەملىكەتنىڭ ھەرقايسى جايلىرىغا، شۇنداقلا رۇسىيە، شىۋېتسىيە، قازاقىستان قاتارلىق 15 دۆلەت ۋە رايونغا سېتىلدى.