ئاسماندىكى يۇلتۇزلار زادى قانچىلىك «قېرى»؟ نۇرغۇن يىللاردىن بۇيان، ئاستىرنومىيە ئالىملىرىنىڭ تۇرغۇن يۇلتۇزلارنىڭ يېشىنى ھېسابلاشتىكى خاتالىق پەرقى ھەتتا %20تىنمۇ ئېشىپ كەتتى. ئەمما، ئامېرىكا ئېمبرىي رايدېل ئاۋىياتسىيە داشۆسىنىڭ ئالىملىرى يېقىندا تۇرغۇن يۇلتۇزلارنىڭ يېشىنى ھېسابلاش تېخنىكىسىنى ئوتتۇرىغا چىقارغان بولۇپ، ئۇنىڭ خاتالىق پەرقى پەقەت %5~%3گىچە ئىكەن.
بىر يۇلتۇزلار توپىدىكى تۇرغۇن يۇلتۇزلار ئاساسەن بىرلا ۋاقىتتا پەيدا بولىدۇ، يۇلتۇز توپىدىكى ئاق پەتەك يۇلتۇز بولسا تۇرغۇن يۇلتۇز ئۆلگەندىن كېيىنكى قالدۇق بولۇپ، يېڭى تېخىنىكا دەل يۇلتۇز توپىدىكى ئاق پەتەك يۇلتۇزنىڭ يېشىنى ئۆلچەش ئارقىلىق تۇرغۇن يۇلتۇزلارنىڭ يېشىغا ھۆكۈم قىلىدۇ. ئىلگىرىكى لايىھەلەردە يۇلتۇز توپىدىكى ئوخشىمىغان تۇرغۇن يۇلتۇزنى كۆزىتىش ئارقىلىق ھېرتسپرۇڭ-رۇسسېل دىئاگراممىسى (يۇلتۇزنىڭ سپېكتر تىپى بىلەن يورۇقلۇق كۈچى مۇناسىۋىتى خەرىتىسى، يۇلتۇزلارنىڭ ئۆزگىرىشىنى تەتقىق قىلىشتىكى مۇھىم قورال)دا تۇرغۇن يۇلتۇزنىڭ ئاساسىي يۇلتۇز رېتىدىن ئايرىلغان بۇرۇلۇش نۇقتىسى مۇئەييەنلەشتۈرۈلۈپ، تېخىمۇ ئىلگىرىلىگەن ھالدا تۇرغۇن يۇلتۇزنىڭ ئۆزگىرىش مودىلىغا ھۆكۈم قىلىش ئارقىلىق، بۇ يۇلتۇز توپىنىڭ يېشى ھېسابلىناتتى.
«شىنخۇا تورى»دىن تەرجىمە قىلىندى