تەييار ماي باھاسى بۇ يىلقى تۇنجى ئۆرلەشنى كۈتۈۋالدى، 50 لېتىرلىق بىر باك 92–نومۇرلۇق بېنزىننىڭ تەننەرخىگە تۆت يۈەن قوشۇلۇپ، ئاپتوموبىل ئىگىلىرىنىڭ يول يۈرۈش تەننەرخى ئازراق ئاشتى.
دۆلەت تەرەققىيات ۋە ئىسلاھات كومىتېتى 1–ئاينىڭ 14–كۈنى چۈشتىن كېيىن ئۇقتۇرۇپ قىلىپ، 1–ئاينىڭ 15–كۈنى سائەت نۆلدىن باشلاپ دۆلەت ئىچى بېنزىن، دىزېل (ئۆلچەملىك مەھسۇلات) باھاسىنىڭ ئايرىم-ئايرىم ھالدا 105يۈەن/توننا ئۆرلەيدىغانلىقىنى جاكارلىدى. بۇ باھانى لېتىر باھاسىغا سۇندۇرغاندا، 92–نومۇرلۇق بېنزىن ۋە 0–نومۇرلۇق دىزېلنىڭ باھاسى ئايرىم–ئايرىم ھالدا 0.08يۈەن ۋە 0.09يۈەن ئۆرلەيدۇ.
ئىستېمالچىلارغا نىسبەتەن، يېقىلغۇ ماي باھاسىنىڭ ئۆرلىشى كۈندىلىك يولغا چىقىش تەننەرخىنىڭ ئېشىپ كەتكەنلىكىدىن دېرەك بەرسىمۇ، ئەمما بۇ قېتىملىق باھا ئۆرلەش پەرقى نىسبەتەن كىچىك بولغاچقا، ئومۇمىي جەھەتتىن ئېيتقاندا ئۇنىڭ بازارغا بولغان تەسىرى ناھايىتى كىچىك بولىدىكەن. بۇ قېتىملىق باھا تەڭشەش ئەمەلىيلەشكەندىن كېيىن، ماي باك سىغىمى 50 لېتىرلىق ئائىلە ئاپتوموبىلىنىڭ 92 – نومۇرلۇق بېنزىننى بىر قېتىم لىق توشقۇزۇشى بۇرۇنقىغا قارىغاندا تۆت يۈەن ئۆرلەيدىكەن.
