تيانشان تورى خەۋىرى (قاراماي گېزىتى مۇخبىرى جاڭ جۆۋ فوتوسى،خەۋىرى): 2019-يىل 1-ئاينىڭ 13-كۈنى چۈشتىن بۇرۇن، قاراماي شەھىرى پەي توپ سارىيىدا قاراماي، ئۈرۈمچى، ئالتاي قاتارلىق جايلاردىن كەلگەن ماھىرلار تەنتەربىيە ئۇسسۇلى مۇسابىقىسى ئۆتكۈزۈۋاتاتتى. شۇ كۈنى، قاراماي شەھەرلىك مەدەنىيەت-تەنتەربىيە ئىدارىسى ئۇيۇشتۇرغان تۇنجى نۆۋەتلىك قاراماي شەھىرى تەنتەربىيە ئۇسسۇلى سەرخىللىرىنى تاللاش مۇسابىقىسى ۋە 2019-يىللىق شىمالىي شىنجاڭ رايونىدىكى شەھەرلەر بىرلەشمە دوستلۇق مۇسابىقىسى قارامايدا ئۆتكۈزۈلدى، غۇلجا، كۈيتۈن، شىخۇ، سانجى، بۆرتالا، بېيتۈن، چۆچەك قاتارلىق شىمالىي شىنجاڭ رايونىدىن كەلگەن 30 كوماندىدىكى 550 ئادەم مۇسابىقىگە قاتناشتى. مۇسابىقە سەرخىللار گۇرۇپپىسى، شەھەر بىرلەشمە دوستلۇق مۇسابىقىسى، چوڭلار گۇرۇپپىسى، ئوتتۇرا، باشلانغۇچ مەكتەپ ئوقۇغۇچىلىرى گۇرۇپپىسى قاتارلىق تۈرلەرگە بۆلۈنگەن بولۇپ، ماھىرلار مۇسابىقىدە ۋالىس، پادىچىلار ئۇسسۇلى، تانگو، تېز قەدەملىك ئۇسسۇل، رۇمبا قاتارلىقلار بويىچە مۇسابىقىلەشتى. مۇسابىقىدە تاللانغان ماھىرلار شىنجاڭ ئۇيغۇر ئاپتونوم رايونىنىڭ 25-نۆۋەتلىك تەنتەربىيە ئۇسسۇلى لەۋھە تالىشىش مۇسابىقىسىنىڭ تاللاش مۇسابىقىسىگە قاتنىشىدىكەن.
