11-ئاينىڭ 14-كۈنى، ھەمكارلىق كوپىراتىپىنىڭ ئەزالىرى توقاچ ياقماقتا. (ئۆتكۈر نىجات فوتوسى)
شىنجاڭ گېزىتى خەۋىرى. قىزىلسۇ قىرغىز ئاپتونوم ئوبلاستلىق پارتكوم تەشكىلات بۆلۈمىنىڭ ئاقتۇ ناھىيەسى بارىن يېزىسى بارىن كەنتىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى كەنتتىكى ئائىلە شەكلىدىكى ناۋايخانىلارنى تەرتىپكە سېلىپ، بارىن كەنتى نان ھەمكارلىق كوپىراتىپى قۇردى. ھەمكارلىق كوپىراتىپىدىكىلەر كۈنىگە 10 مىڭدىن ئارتۇق نان ياقىدىغان بولۇپ، ھەربىر ئەزانىڭ ئايلىق كىرىمى 3000 يۈەندىن ئاشتى.