11-ئاينىڭ 16-كۈنى، شىخۇ شەھەرلىك ئادەم كۈچى بايلىقى ۋە ئىجتىمائىي كاپالەت ئىدارىسىنىڭ نەنيۈەن كوچىسى چاڭجېڭ يولى مەھەللىسىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتىنىڭ ئەزاسى جاڭ يۈەن (ئوڭدىن 1-كىشى) تەۋەلىكتىكى يېڭىدىن ئىگىلىك تىكلىگەن ئاھالىگە پىرەنىكلەرنى تىزىشىپ بەرمەكتە.
شىنجاڭ ئىقتىساد گېزىتى خەۋىرى. شىخۇ شەھەرلىك ئادەم كۈچى بايلىقى ۋە ئىجتىمائىي كاپالەت ئىدارىسىنىڭ نەنيۈەن كوچىسى چاڭجېڭ يولى مەھەللىسىدە تۇرۇشلۇق «ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش» خىزمەت ئەترىتى ئىگىلىك تىكلەش ئارزۇسى بار ئاھالىلەرنىڭ تاتلىق-تۈرۈم دۇكىنى ئېچىشىغا ياردەم قىلدى ھەمدە تەۋەلىكتىكى ئىشسىز ئاھالىلەرنى پېچىنە-پىرەنىك پىشۇرۇش، ئاشپەزلىك بويىچە كۇرس ئېچىپ تەربىيەلەپ، ئاھالىلەرنىڭ ئىشقا ئورۇنلىشىش ئىقتىدارىنى ئۆستۈردى، بۇنىڭ بىلەن تەۋەلىكتىكى 35 ئاھالە تېخنىكا ئىگىلەپ، يېقىن ئەتراپتىلا ئىشقا ئورۇنلىشىپ، كىرىمىنى ئاشۇردى.