سانجى خۇيزۇ ئاپتونوم ئوبلاستى بىر قاتار ئېتىبار بېرىش تەدبىرلىرىنى ئوتتۇرىغا قويۇپ، قىشلىق ۋە ئەتىيازلىق ساياھەتكە كۈچ قوشتى. 2018-يىلىدىن 2019-يىلىغىچە بولغان قىشلىق، ئەتىيازلىق ساياھەت مەزگىلىدە، سانجى خۇيزۇ ئاپتونوم ئوبلاستى تەۋەسىدىكى تىيانشان بوغدا كۆلى، گۇخەي ئارشىڭى، يېزا ئىگىلىك كۆرگەزمە باغچىسى، مىڭ ئۆي قاتارلىق جايلاردىن باشقا 100مەنزىرە رايونى (مەنزىرە نۇقتىسى)دا كىرىش بېلىتى كەچۈرۈم قىلىنىدىكەن.
گۇچۇڭ ناھىيەسى يەنە «جامبۇلاق مەنزىرە رايونىنىڭ قىشلىق ساياھەت پائالىيىتى پىلان لايىھەسى»نى ئوتتۇرىغا قويۇپ، 2018-يىلى 10-ئاينىڭ 15-كۈنىدىن 2019-يىلى 4-ئاينىڭ 15-كۈنىگىچە، ئۆزى ئاپتوموبىل ھەيدەپ مەنزىرە رايونىدا ساياھەتتە بولىدىغان ساياھەتچىلەرنىڭ كىرىش بېلىتى ۋە ئاپتوموبىل توختىتىش ھەققى كەچۈرۈم قىلىنىدىكەن. ئۇنىڭدىن باشقا، ئارىلىق ئاپتوبۇسىغا ئولتۇرۇپ مەنزىرە رايونىنى ساياھەت قىلىدىغان ساياھەتچىلەردىن كىرىش بېلىتى ئېلىنمايدىكەن، پەقەت 18 يۈەن/(ئادەم) كىرا ھەققى ئېلىنىدىكەن، شۇنىڭ بىلەن بىر ۋاقىتتا يەنە، ئەسلى باھاسى 85 يۈەن/(ئادەم) بولغان تېيىلىش يولى ھېس قىلىش تۈرىدە ئېتىبار بېرىلىپ 45 يۈەن/(ئادەم)بولىدىكەن.