11-ئاينىڭ 12-كۈنى، ساياھەتچىلەر چوڭ بازار پىيادىلەر يولىدىكى دەرىجىسى ئۆستۈرۈلۈپ ئۆزگەرتىلگەن «مۇز ئۆي مەززىلىك تائاملار كوچىسى» دا ماڭماقتا.
ئۈرۈمچى كەچلىك گېزىتى خەۋىرى (ما تىڭ، جياڭ شياۋ خەۋىرى، فوتوسى). چوڭ بازار پىيادىلەر يولىدىكى مەززىلىك تائاملار كوچىسىنىڭ دەرىجىسى ئۆستۈرۈلۈپ ئۆزگەرتىلگەندىن كېيىن، قىشلىق تىجارەت شارائىتىنى ھازىرلىدى. 11-ئاينىڭ 12-كۈنى سائەت 13:00 تە بۇ كوچىدا سىناق تەرىقىسىدە تىجارەت باشلاندى، كېيىن تىجارەت ۋاقتى ھەر كۈنى سائەت 12:00 دىن 24:00 كىچە بولىدۇ.
12:20لەردە مۇخبىر چوڭ بازار پىيادىلەر يولىدىكى دەرىجىسى ئۆستۈرۈلۈپ ئۆزگەرتىلگەن مەززىلىك تائاملار كوچىسىنىڭ خىرۇستال ئوردىغا ئوخشاپ قالغانلىقىنى، ئېگىزلىكى تەخمىنەن 3 مېتىر، كەڭلىكى تەخمىنەن 10 مېتىر كېلىدىغان ئىشىكنىڭ رەڭگى توختىماي ئۆزگىرىپ، بۆلەكچىلا رەڭدار بولۇپ كەتكەنلىكىنى كۆردى.