خېمىرنى تېز سۈرئەتتە بولدۇرۇش
خېمىرنى بولدۇرۇشقا ئادەتتە ئىككى سائەت ۋاقىت كېتىدۇ. ئەگەر خېمىرنى تېز بولدۇرماقچى بولسىڭىز، خېمىر يۇغۇرغاندا ئېچىتقۇ سالغاندىن كېيىن بىر قوشۇق ئاق شېكەر قوشۇۋەتسەك، ئېچىتقۇنىڭ ئاكتىپچانلىقى ئېشىپ خېمىر تېز سۈرئەتتە بولىدۇ.
كاشتان (栗子) پوستىنى ئەپچىللىك بىلەن سويۇش
كاشتاننى پىشۇرۇپ شاكىلىنى سويغاندىن كېيىن ئىچىدىن يەنە بىر قەۋەت پوستى چىقىپ، يېيىشكە قولايسىزلىق ئېلىپ كېلىدۇ. ئەگەر كاشتاننىڭ پوستىنى قىينالمايلا سويماقچى بولسىڭىز، كاشتاننى پىشۇرۇشتىن بىر كۈن بۇرۇن ئاق شېكەر سېلىنغان سۇغا بىر كېچە چىلاپ قويۇپ ئاندىن پىشۇرۇڭ. بۇنداق قىلغاندا، كاشتاننىڭ پوستىنى ئاسان سويغىلى بولىدۇ.