تەڭرىتاغ تورى   ›   خەۋەر مەركىزى   ›   ئەلرايىنى بىلىش، ئەلگە نەپ يەتكۈزۈش، ئەلنى مايىل قىلىش

ئاقسۇ شەھىرىدە خىزمەت ئەترىتىدىكىلەر كەنت ئاھالىسىگە ياردەملىشىپ ئۈندىداردا غاز سېتىشىپ بەردى

  ئۆز خەۋىرىمىز (ئىختىيارىي مۇخبىر زېڭ چۇيتاۋ خەۋىرى): «ماڭا ياردەم قىلىپ غازلىرىمنى سېتىشىپ بەرگىنىڭلارغا رەھمەت، بۇ مېنىڭ كۆڭلۈم، قوبۇل قىلىڭلار»، ئاقسۇ شەھىرى بەشتۈگمەن يېزىسى سايغان مەھەللە كەنتىدىكى دېھقان ياسىن مەمەت 10-ئاينىڭ 31-كۈنى ناھايىتى خۇشال ھالدا ئىككى غازنى ئاقسۇ شەھەرلىك پارتكوم تەشۋىقات بۆلۈمىنىڭ كەنتتە تۇرۇشلۇق خىزمەت ئەترىتى ئىشخانىسىغا ئېلىپ كېلىپ رەھمىتىنى بىلدۈردى.

  خىزمەت ئەترىتىنىڭ مۇئاۋىن باشلىقى ئابلاجان ياسىنغا: «بۇ ئىككى غازنى قايتۇرۇپ كېتىڭ، غاز سېتىۋالىدىغانلار بىلەن ئالاقىلىشىپ قويدۇق، پۇلنىمۇ بېرىپ بولدى» دېدى.

  67 ياشلىق ياسىن مەمەتنىڭ ئايالى بالدۇرلا قازا قىلغان بولۇپ، تولۇقسىز ئوتتۇرا مەكتەپتە ئوقۇۋاتقان 16 ياشلىق بىر ئوغلى بار ئىدى، ئۈچ مو قوناقلىق ئۇنىڭ بىردىنبىر ئىقتىسادىي كىرىم مەنبەسى بولۇپ، ياشىنىپ قالغان، مەكتەپتە ئوقۇمىغان ياسىن مەمەتنىڭ بىرەر قابىلىيىتىمۇ يوق، يەنە كېلىپ ئۇنىڭ سالامەتلىكىمۇ ياخشى بولمىغاچقا، تۇرمۇشتا قىينىلىپ قالغانىدى. نامرات ئاھالىلەرنىڭ كىرىمىنى سىجىل، مۇقىم ئاشۇرۇش ئۈچۈن، خىزمەت ئەترىتىدىكىلەر نامراتلارنى يۆلەش ئەندىزىسىدە يېڭىلىق يارىتىپ، غاز بېقىشتىن ئىبارەت «تېز ئۈنۈم بېرىدىغان» تۈرلەرنى كىرگۈزۈپ، خادىملارنى نامرات ئاھالىلەرنىڭ غاز بېقىش ئىشلىرىغا باشتىن-ئاخىر ياردەملىشىشكە ئەۋەتتى، يەنە مال دوختۇرلىرىنى نامرات ئاھالىلەرگە ياردەم بېرىشكە تەكلىپ قىلدى.

  خىزمەت ئەترىتىنىڭ ئەزاسى لى جېرۇڭ خۇشال ھالدا: «دەسلەپتە ئۈندىدار دوستلار چەمبىرىكىدە نامرات ئاھالىلەرگە ياردەملىشىپ غاز ساتىدىغان ئۇچۇرنى چىقاردىم، ئويلىمىغان يەردىن 500 دىن ئارتۇق غاز بىردەمدىلا سېتىلىپ بولدى» دېدى.

مەسئۇل مۇھەررىر : نىجات نىياز

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • ئۈرۈمچىدە قار تېيىلىش سورۇنلىرى تىجارەت باشلىدى
  • چاغانتوقاي ناھىيەسىدە چارۋىلار قىشلىق چارۋىچىلىق مەيدانىغا كۆچۈرۈلدى
  • جامبۇلاق تۇنجى نۆۋەتلىك قار-مۇز بايرىمى پىيادە مېڭىش پائالىيىتى ئۆتكۈزۈلدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى