تەڭرىتاغ تورى   ›   تۇرمۇش   ›   ساغلاملىق

«گىگانت بوۋاق» تۇغقان ئاياللارنىڭ راك كېسىلى بولۇش نىسبىتى يۇقىرى بولامدۇ؟

ماتېرىيال سۈرەت

    ئەنگلىيە راك كېسەللىكلىرى تەتقىقات ئورنىنىڭ بىر تۈرلۈك تەتقىقاتىدا كۆرسىتىلىشىچە، «گىگانت بوۋاق» تۇغقان ئاياللارنىڭ سۈت بېزى راكىغا گىرىپتار بولۇش نىسبىتى يۇقىرى بولىدىكەن.

    تەتقىقاتچىلار ئەنگلىيەدىكى 16 ياشتىن 102 ياشقىچە بولغان 83 مىڭ ئايالنىڭ ساغلاملىق سانلىق مەلۇماتىنى يىغقان، نەتىجىدە بايقىلىشىچە، بەدەن ئېغىرلىقى 4.5 كىلوگىرامدىن ئارتۇق بوۋاق تۇغقان ئاياللارنىڭ سۈت بېزى راكىغا گىرىپتار بولۇش نىسبىتى باشقا ئاياللارنىڭكىدىن %53 يۇقىرى بولغان. مەزكۇر تەتقىقات نەتىجىسى «سۈت بېزى راكى تەتقىقاتى» ناملىق ژۇرنالنىڭ ئەڭ يېڭى سانىدا ئېلان قىلىنغان.

    تەتقىقاتتا «گىگانت بوۋاق» تۇغۇش بىلەن سۈت بېزى راكىغا گىرىپتار بولۇش خەۋپىنىڭ يۇقىرى بولىدىغانلىقى ئوتتۇرىسىدىكى سەۋەب-نەتىجە مۇناسىۋىتى ئسپاتلانمىغان، لېكىن كىشىلەر ئانىلىق ھورمون قاتارلىق جىنسىي ھورمون سەۋىيەسىنىڭ سۈت بېزى راكىغا گىرىپتار بولۇش خەۋپىگە تەسىر كۆرسىتىدىغانلىقىنى بىلىدۇ.

    ئەمما، ئاياللار بۇ سەۋەبلىك ئەندىشە قىلمىسىمۇ بولىدىكەن. تەتقىقاتنىڭ باشلامچىسى ئانتونى سىۋېردلوۋ مۇنداق دېدى: ئاياللارنىڭ سۈت بېزى راكىغا گىرىپتار بولۇشىنىڭ «نۇرغۇن ئامىللىرى» بولىدۇ، ھامىلىدار بولۇش بەلكىم بۇ ئامىللار ئىچىدىكى بىرى بولۇشى مۇمكىن، مۇھىمى بارلىق ئامىللارنى ئومۇميۈزلۈك ئويلىشىش كېرەك، بىر ئامىلنى ئاساس قىلىپلا يەكۈن چىقىرىشقا ياكى ئەندىشە قىلىشقا بولمايدۇ.

خەلق تورىدىن تەرجىمە قىلىندى

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • ئۈرۈمچىدە قار تېيىلىش سورۇنلىرى تىجارەت باشلىدى
  • چاغانتوقاي ناھىيەسىدە چارۋىلار قىشلىق چارۋىچىلىق مەيدانىغا كۆچۈرۈلدى
  • جامبۇلاق تۇنجى نۆۋەتلىك قار-مۇز بايرىمى پىيادە مېڭىش پائالىيىتى ئۆتكۈزۈلدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى