بەزى يۇڭ پوپايكىلار ئىسسىق ھەم يۇمشاق بولغىنى بىلەن بىر مەزگىل كىيگەندىن كېيىن، تۈكى چۈشۈپ ئادەمنى بىزار قىلىدۇ. ئۇنداقتا بۇ خىل ئەھۋالغا يولۇققاندا قانداق قىلىش كېرەك؟ تۆۋەندىكى ئۇسۇل سىزنىڭ سىناپ بېقىشىڭىزغا ئەرزىيدۇ.
قوي يۇڭىدىن توقۇلغان پوپايكىلارنىڭ تۈكى چۈشۈشنىڭ ئالدىنى ئېلىش ئۈچۈن، پوپايكا يۇيىدىغان سۇغا مۇۋاپىق مىقداردا كىر يۇيۇش پاراشوكى سېلىشتىن سىرت، يەنە مۇۋاپىق مىقداردا كراخمال (بىر داس سۇغا بىر قوشۇق سېلىنسا بولىدۇ) سېلىپ، تەكشى ئارىلاشتۇرىمىز.
پوپايكىنى تەييارلىۋالغان سۇغا بەش مىنۇت چىلايمىز، بەش مىنۇتتىن كېيىن پوپايكىنى يېنىك ئۇۋۇلاپ، پاكىز سۇ بىلەن چايقايمىز.
چايقاپ بولغاندىن كېيىن، پوپايكىنى تور خالتىغا سېلىپ ئېسىپ قويىمىز، ئەگەر تور خالتا بولمىسا سۈرەتتىكىدەك ئۇسۇلدا ئېسىپ قويساقمۇ بولىدۇ، بۇنداق بولغاندا پوپايكىنىڭ شەكلى ئۆزگىرىپ كېتىشتىن ساقلانغىلى بولىدۇ.
خەلق گېزىتى ئۈندىدار سۇپىسىدىن تەرجىمە قىلىندى