شىنجاڭ ئىقتىساد گېزىتى خەۋىرى: مۇخبىرنىڭ 10-ئاينىڭ 24-كۈنى جۇڭگو (سانجى) 12-نۆۋەتلىك مەززىلىك تائاملار مەدەنىيەت ساياھەت بايرىمىنىڭ ئاخبارات ئېلان قىلىش يىغىنىدىن ئىگىلىشىچە، سانجى شەھىرى 1-ئايدىن 9-ئايغىچە جەمئىي 4 مىليون 783 مىڭ 300 ساياھەتچى(قېتىم)نى كۈتۈۋالغان بولۇپ، بۇلتۇرقى ئوخشاش مەزگىلدىكىدىن %111.46 ئاشقان؛ ساياھەت (ئىستېمال) كىرىمى 8 مىليارد 131 مىليون 610 مىڭ يۈەن بولۇپ، بۇلتۇرقى ئوخشاش مەزگىلدىكىدىن ％114.2 ئاشقان؛ قونغان ساياھەتچىلەر 686 مىڭ 100 ئادەم (قېتىم) بولۇپ، بۇلتۇرقى ئوخشاش مەزگىلدىكىدىن ％48.19 ئاشقان.
ئىگىلىنىشىچە، ئىقتىسادىي، ئىجتىمائىي ئىشلارنىڭ ياخشى تەرەققىيات ۋەزىيىتى ئاستىدا، سانجى خۇيزۇ ئاپتونوم ئوبلاستلىق خەلق ھۆكۈمىتى ئۇيۇشتۇرغان جۇڭگو (سانجى) 12-نۆۋەتلىك مەززىلىك تائاملار مەدەنىيەت ساياھەت بايرىمى 10-ئاينىڭ 28-كۈنى سانجى شەھىرىدە ئۆتكۈزۈلىدىغان بولۇپ، ساياھەت يۈرۈشلۈك پائالىيەتلىرى تاكى 11-ئاينىڭ 28-كۈنىگىچە داۋاملىشىدىكەن.
