تەڭرىتاغ تورى   ›   تۇرمۇش   ›   خانىم-قىزلار

قالايمىقان ئورۇقلاش بەدەننى قىينىغانلىق بىلەن باراۋەر

  دۇنيا سەھىيە تەشكىلاتى سېمىزلىك كېسىلىنى پۈتۈن دۇنيا بويىچە ئەڭ چوڭ ئاستا خاراكتېرلىك كېسەل، دەپ بېكىتتى ۋە بۇ كېسەل بىلەن بىرگە يۇقىرى قان بېسىم، قاندا ماي ماددىسى يۇقىرى بولۇش، قان قەنتى يۇقىرى بولۇش قاتارلىق كېسەللىكلەرنى دۇنيادىكى تۆت چوڭ تېببىي ئىجتىمائىي مەسىلە قاتارىغا كىرگۈزدى. نۆۋەتتە، پۈتۈن دۇنيادا 2 مىليارد سېمىز كىشى بولۇپ، ئۇنىڭ ئىچىدە دۆلىتىمىزدىن 300 مىليون كىشىنىڭ ئېغىرلىقى ئۆلچەمدىن ئېشىپ كەتكەن، 46 مىليون قۇرامىغا يەتكەن كىشى سېمىزلىك كېسىلىگە گىرىپتار بولغان. بۇ خىل كىشىلەرگە نىسىبەتەن ئېيتقاندا، ئورۇقلاش تەۋىسيە قىلىدىغان ئىش بولسىمۇ، لېكى، غايەت زور بازار ئېھتىياجىدا مەيدانغا كەلگەن ھەر خىل ـ ھەر ياڭزا ئورۇقلاش دورىلىرى ئاز بولمىغان كېسەللىك ئاسارەتلىرىنى پەيدا قىلماقتا.

  ماي ئادەم بەدىنىدىكى مۇھىم ئېنېرگىيە ساقلاش قەۋىتى، ئۇ سەۋەپسىزلا شەكىللەنمەيدۇ، ھەم سەۋەبسىزلا يوقاپ كەتمەيدۇ، ئورۇقلاش ئۈچۈن چوقۇم ئېنېرگىيە قوبۇل قىلىشنى ئازايتىش، ئېنېرگىيە خورىتىشنى كۆپەيتىش كېرەك. بازاردا ھەرخىل ئورۇقلاش دورىلىرى بولۇپ، كۆپىنچىسى ئادەم بەدىنىنىڭ نورمال فىزىئولوگىيەلىك ھەرىكىتىنى بۇزۇپ، قىسقا مەزگىللىك ئورۇقلاش مەقسىتىگە يەتكۈزىدىغان بولسىمۇ، ئاقىۋىتى ئېغىر بولىدۇ. ئورۇقلاش دورىسى يېگەندە كۆرۈلىدىغان ئېغىز قۇرۇش، ئۇيقۇسىزلىق، يۈرەك سوقۇش تېزلىشىش، قان بېسىم يۇقىرىلاش، ماددا ئالمىشىش قالايمىقانلىشىش قاتارلىق ئەكس تەسىرلەرنى دورا ساتقۇچى تەرەپ قارىغۇلارچىلا «بەدەندىكى مايلارنىڭ كۆيۈشى، نورمال ئەھۋال» دەيدۇ.

  يىغىپ ئېيتقاندا، ئۆزىنىڭ بەدەن شەكلىدىن رازى بولمىغانلار يېمەكلىك ئادىتىنى ئۆزگەرتىش، تۇرمۇش ئۇسۇلىنى ئۆزگەرتىش، چېنىقىش قاتارلىق ئۇسۇللارنى سىناپ بېقىش كېرەك. ئۆزىگە ماس كەلگەن بەدەن ئېغىرلىقىنى ساقلاش مۇھىم، لېكىن دورىغا تايىنىش خەتەرلىك.

  -خەلق تورىدىن تەرجىمە قىلىندى

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • مەخسۇس پويىزغا ئولتۇرۇپ شىنجاڭنىڭ قىش پەسلىدىن ھۇزۇرلىنىڭ
  • بۇ يىل شىنجاڭنىڭ قىشلىق ساياھىتىدە ئېتىبارلار كۆپ — ئالتايغا ساياھەتكە كېلىڭ!
  • سايرام كۆلىنىڭ قىش مەنزىرىسى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى