تەڭرىتاغ تورى   ›   تۇرمۇش   ›   خانىم-قىزلار

چوڭ ياشلىق ھامىلىدارلار ئوپېراتسىيە قىلىپ بوشىنىشتا چىڭ تۇرۇۋالماسلىقى كېرەك

  چوڭ ياشلىق ھامىلىدارلار 35 ياشتىن چوڭ ھامىلىدارلارنى كۆرسىتىدۇ. ئاياللارنىڭ ئەڭ ياخشى تۇغۇت مەزگىلى 25 ~ 29غىچە بولۇپ، 35 ياشتىن ئاشقاندا ئاياللارنىڭ كۆپىيىش ئىقتىدارى ئاجىزلاپ ماڭىدۇ. شۇڭا، چوڭ ياشلىق ھامىلىدار ئاياللار ئۇچرايدىغان خېيىم-خەتەرمۇ كۆپ، بويىدىن ئاجراش نىسبىتىمۇ يۇقىرى بولىدۇ. سانلىق مەلۇماتلاردا كۆرسىتىلىشىچە، 35 ياشتىن چوڭ ھامىلىدارلارنىڭ بويىدىن ئاجراش نىسبىتى %25كە، 40 ياشتىن چوڭ ھامىلىدارلارنىڭ بويىدىن ئاجراش نىسبىتى %35كە يېتىدىكەن. ئۇنىڭدىن باشقا يەنە ھامىلە خروموسوملىرى نورمالسىزلىشىپ، ھامىلىنىڭ تۇغما كەمتۈك، ھەتتا ئۆلۈك تۇغۇلۇپ قېلىشىدەك ئەھۋاللار كۆپ كۆرۈلىدىكەن. ھامىلىدارغا نىسبەتەن، ھامىلىدارلىق مەزگىلىدىكى دېيابىت، يۇقىرى قان بېسىمى قاتارلىق كېسەللەرگە گىرىپتار بولۇش نىسبىتىمۇ يۇقىرى بولىدىكەن. شۇڭا دوختۇرلار چوڭ ياشلىق ھامىلدارلارنىڭ بىخەتەرلىكىگە ئالاھىدە كۆڭۈل بۆلىدىكەن.

  ئادەتتە چوڭ ياشلىق ھامىلىدارلار ئوپېراتسىيە قىلىپ بوشانسا ئەڭ بىخەتەر، دېگەن قاراش بار. لېكىن بۇ خاتا قاراش بولۇپ، ئوپىراتسىيە قىلىپ بوشىنىش يارىلىنىش تىپىدىكى داۋالاش تەدبىرى بولۇش سۈپىتى بىلەن، ماس ھالدا ئوپېراتسىيە خەۋپىمۇ ئاز ئەمەس. ئوپېراتسىيە ئارقىلىق بوشىنىپ قازا قىلغان ھامىلىدارلارنىڭ نىسبىتى ئۆزى تۇغۇپ قازا قىلغان ھامىلدارلاردىن ئۈچ ھەسسە كۆپ ئىكەن. باش سۈيى كەپلىشىپ قېلىش خەۋپى ئۆزى تۇغۇشقا قارىغاندا 10 ھەسسە يۇقىرى بولىدىكەن. ئوپېراتسىيە قىلىپ بوشىنىشتا قان كۆپ چىقىپ كېتىدىغان، ئەزالار يارىلىنىدىغان، داس بوشلۇقى يۇقۇملىنىدىغان، ئۈچەي چاپلىشىپ قالىدىغان، ئۈچەي توسۇلۇپ قالىدىغان ئەھۋاللار كۆرۈلىدىكەن، ئۇنىڭدىن باشقا بالياتقۇ تارتۇق بولۇپ، يەنە بىر قېتىم بوشىنىشقا تەسىر يەتكۈزىدىكەن. ھامىلىگە نىسبەتەن، بەزى يېڭدىن تۇغۇلغان بوۋاقلارنىڭ نەپەس ئېلىشى قىيىن بولىدىغان، تۇغۇلۇش جەريانىدا يارىلىنىدىغان، تۇغۇلغاندىن كېيىن بېكىنىۋېلىش كېسىلى، دېيابىتقا گىرىپتار بولىدىغان ئەھۋاللار كۆرۈلىدىكەن.

  يىغىپ ئېيتقاندا، زادى قايسى خىل ئۇسۇلدا بوشىنىشنى ئەڭ ياخشىسى دوختۇرنىڭ كۆرسەتمىسىگە قاراپ بېكىتىش، ھەرگىزمۇ ئوپېراتسىيە قىلىپ بوشىنىش بىخەتەر دەپ چىڭ تۇرۇۋالماسلىق كېرەككەن.

  - خەلق تورىدىن تەرجىمە قىلىندى

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تەڭرىتاغ تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • مەخسۇس پويىزغا ئولتۇرۇپ شىنجاڭنىڭ قىش پەسلىدىن ھۇزۇرلىنىڭ
  • بۇ يىل شىنجاڭنىڭ قىشلىق ساياھىتىدە ئېتىبارلار كۆپ — ئالتايغا ساياھەتكە كېلىڭ!
  • سايرام كۆلىنىڭ قىش مەنزىرىسى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى