«خېبېي-شىنجاڭ مۇھەببىتى، بايىنغولىن سەپىرى» ئائىلە ئاپتوموبىل ساياھىتى ئەترىتى باغراش كۆلى بويىدىن ماڭماڭتا. (نيەن لېي فوتوسى)
مۇخبىرىمىز جۇ كەيلى خەۋىرى: سانلىق مەلۇماتلاردا كۆرسىتىلىشىچە، 10-ئاينىڭ 1-كۈنىدىن 7-كۈنىگىچە باغراش ناھىيەسى قوبۇل قىلغان ساياھەتچىلەر سانى ۋە بۇنىڭدىن كىرگەن ساياھەت كىرىمى بۇلتۇرقى ئوخشاش مەزگىلدىكىدىن %28.2 ۋە %30 ئاشقان.
دۆلەت بايرىمىلىق دەم ئېلىش مەزگىلىدە بايىنغولىن موڭغۇل ئاپتونوم ئوبلاستى باغراش ناھىيەسىنىڭ كىشىنى جەلپ قىلىدىغان مەنزىرىسى ساياھەتچىلەرنى كۆپلەپ جەلپ قىلغان.
2018-يىللىق دۆلەت بايرىمىلىق دەم ئېلىش مەزگىلىدە باغراش ناھىيەسىدىكى كۆل بويى رايونلىرىدا ئۆزگىچە ياۋا بېلىق تاماقخانىلىرى، دېھقانلار شادلىقى ئارامگاھلىرى جاي-جايلاردىن كەلگەن ساياھەتچىلەرنى كۈتۈۋالدى، ساياھەتچىلەر يەرلىك ياۋا ئورگانىك چۆپخور بېلىقنى ئاساس قىلغان ئۆزگىچە تائاملارغا ئىشتىياق بىلەن ئېغىز تېگىپ، ئاغزى-ئاغزىغا تەگمەي ماختاشتى. يەرلىك يېزا ئىگىلىك قوشۇمچە مەھسۇلاتلىرى، بولۇپمۇ يېشىل سەي-كۆكتات، قولدا سىزىلغان قومۇش رەسىم قاتارلىقلار ساياھەتچىلەرنىڭ ئالقىشىغا ئېرىشتى.