ئىختىيارىي مۇخبىرىمىز ۋاڭ لۇبىن خەۋىرى، فوتوسى: دۆلەت بايرىمىلىق دەم ئېلىش مەزگىلىدە، شىنجاڭنىڭ باغراش ناھىيەسىدە ھاۋا ئوچۇق بولدى. مەنزىرىسى گۈزەل باغراش كۆلىنىڭ داخېكۇ (شىخەييۈ كەنتى) مەنزىرە رايونى نۇرغۇن ساياھەتچىنى جەلپ قىلدى.
ئىگىلىنىشىچە، بۇ يىل دۆلەت بايرىمىلىق دەم ئېلىش مەزگىلىدە، ساياھەتچىلەر سانى كۆپىيىپلا قالماي، باغراش ناھىيەسىدىكى كۆلنى بويلىغان رايونلاردىكى ياۋا بېلىق ئالاھىدە تاماقخانىسى، دېھقانلار ئارامگاھى قاتارلىق جايلارمۇ ساياھەتچىلەر بىلەن لىق تولغان. بۇ جاينىڭ بېلىقنى ئاساس قىلغان ئالاھىدە قورۇمىلىرى ساياھەتچىلەرنىڭ ئالاھىدە ياقتۇرۇشىغا ئېرىشكەن، ساياھەتچىلەر يېزا ئىگىلىك قوشۇمچە مەھسۇلاتلىرى، بولۇپمۇ يېشىل كۆكتات، قول ھۈنەرۋەنچىلىك بۇيۇمى — قومۇش رەسىم قاتارلىقلارنى بەس-بەستە سېتىۋالغان.
