بورتالا گېزىتىنىڭ مۇخبىرى جاڭ شياۋمىن، ئىختىيارىي مۇخبىرى لى ۋېن خەۋىرى. مۇخبىرنىڭ 9-ئاينىڭ 17-كۈنى ئالاتاۋ پورتى تاموژنىسىدىن ئىگىلىشىچە، بۇ يىل 1-ئايدىن 8-ئايغىچە ئالاتاۋ پورتىدىن ئىمپورت-ئېكسپورت قىلىنغان يۈك مىقدارى 14 مىليون 473 مىڭ 500 توننا بولۇپ، بۇلتۇرنىڭ ئوخشاش مەزگىلىدىكىدىن ％11.5 ئاشقان. ئىمپورت-ئېكسپورت ئومۇمىي قىممىتى 48 مىليارد 757 مىليون يۈەنگە يېتىپ، بۇلتۇرنىڭ ئوخشاش مەزگىلىدىكىدىن %6.1 ئاشقان.
ئىگىلىنىشىچە، ئالاتاۋ پورتى ئېلىمىزدىكى ئەڭ چوڭ قۇرۇقلۇق يولى پورتى بولۇش سۈپىتى بىلەن، ئۇنىڭ يۈك ئۆتكۈزۈش مىقدارى ئۇدا نەچچە يىل ئېلىمىزدىكى قۇرۇقلۇق پورتلىرىنىڭ ئىچىدە ئالدىنقى ئورۇندا تۇرغان. دۆلىتىمىزنىڭ «بىر بەلباغ، بىر يول» تەشەببۇسىنىڭ چوڭقۇر ئىلگىرى سۈرۈلۈشىگە ئەگىشىپ، ئالاتاۋ پورتىنىڭ ئىمپورت-ئېكسپورت قىلىنغان يۈك مىقدارى ۋە سودا قىممىتى مۇقىم ئېشىپ، ياخشى تەرەققىيات ۋەزىيىتىنى ساقلىغان.
