تىيانشان تورى   ›   خەۋەر مەركىزى   ›   جايلاردا

ئاقسۇ ۋىلايىتىدە ئومۇمىي خەلق بەدەن چېنىقتۇرۇش پائالىيىتى ئومۇملاشتۇرۇلدى

  شىنجاڭ ئىقتىساد گېزىتى خەۋىرى. ھەر كۈنى سەھەر ۋە كەچقۇرۇندا ئاقسۇ ۋىلايەتلىك تەنتەربىيە مەركىزىنىڭ ئەتراپى كىشىلەر توپلىشىپ قىزىپ كېتىدۇ. ھەر مىللەت ئامما تەرەپ-تەرەپلەردىن بۇ يەرگە كېلىپ، بەدەن چېنىقتۇرىدۇ، تىكتاك توپ ئوينايدۇ، ئۇسسۇل ئوينايدۇ... بۇ ئومۇمىي خەلق بەدەن چېنىقتۇرۇش قىزغىنلىقىنىڭ كىچىكلىتىلگەن بىر كارتىنىسى.

  مۇخبىرنىڭ 9-ئاينىڭ 10-كۈنى ئاقسۇ ۋىلايەتلىك تەشۋىقات بۆلۈمىدىن ئىگىلىشىچە، ئاقسۇ ۋىلايىتىدە ئومۇمىي خەلق بەدەن چېنىقتۇرۇش پائالىيىتى يەنىمۇ كېڭەيتىلىپ، تەنتەربىيە ئارقىلىق خەلققە نەپ يەتكۈزۈلگەن.

  ئاقسۇ ۋىلايەتلىك تەنتەربىيە مەركىزى مەيدان-ساراي بايلىقى ئەۋزەللىكىدىن پايدىلىنىپ، تەنتەربىيە مەيدانى، تەنتەربىيە ئەسلىھەلىرىنى ئاممىغا ھەقسىز ئېچىۋېتىش تەدبىرىنى داۋاملىق يولغا قويۇپ، پىيادە مېڭىش ھەۋەسكارلىرىغا مەيدان، يورۇتۇش قاتارلىق مۇلازىمەتلەرنى تەمىنلىگەن.

  تەنتەربىيە مەركىزى ھەقنى تۆۋەنلىتىش، ھەقسىز ئېچىۋېتىشنى يولغا قويۇپ، پەي توپ، ۋاسكېتبول ھەۋەسكارلىرىغا پائالىيەت مەيدانى تەمىنلىگەن ھەم ئاممىۋى سورۇندا تەرتىپ ساقلاشقا ۋە مۇھىت تازىلىقى نازارىتى، باشقۇرۇشى، مۇلازىمىتى قاتارلىق خىزمەتلەرگە مەسئۇل بولۇپ، شەھەر ئاھالىلىرىنىڭ مەنىۋى مەدەنىيەت تۇرمۇشىنى زور دەرىجىدە موللاشتۇرۇپ، ئومۇمىي خەلق بەدەن چېنىقتۇرۇش ۋە ئىلمىي بەدەن چېنىقتۇرۇشنى ئومۇشلاشتۇرۇشنى ئىلگىرى سۈرگەن. بۇ يىل 8-ئايغا قەدەر بۇ مەركەز بەدەن چېنىقتۇرىدىغان 320 مىڭ ئادەم/قېتىمنى كۈتۈۋالغان.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • نىڭبو-كۇچا ئىتتىپاقلىق كەنتىدىكى تۆت ئەۋلاد كىشىلەرنىڭ دەۋر ئەسلىمىسى
  • باھاردا كۆكلەم سەيلىسى قىلىش
  • نەشپۈت چېچىكى ساياھەتچىلەرنى مەستخۇش قىلدى
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى