خەلق تورى خەۋىرى: ياپونىيە ۋاكايامادا ئالدىنقى ئايدا تۇغۇلغان مۈشۈكئېيىق بالىسى شۇ جاي ۋاقتى 9-ئاينىڭ 13-كۈنى «تەۋەككۈل دۇنياسى» باغچىسىدا ئۆتكۈزۈلگەن تاراتقۇلار بىلەن كۆرۈشتۈرۈش يىغىنىدا كۆپچىلىك بىلەن تۇنجى قېتىم كۆرۈشتى. بۇ مۈشۈكئېيىق بالىسىغا ئىسىم تاللاش پائالىيتىمۇ شۇ كۈنى ئېلىپ بېرىلدى.
خەۋەردە ئېيتىلىشىچە، بۇ مۈشۈكئېيىق بالىسىنى ياپونىيە ۋاكايامادىكى «تەۋەككۈل دۇنياسى» باغچىسىدا تۇرۇۋاتقان مۈشۈكئېيىق «لاڭباڭ» ئالدىنقى ئاينىڭ 14-كۈنى تۇغقان بولۇپ، يېقىندا، جەمئىيەتنىڭ ھەرقايسى ساھەلىرىدىن بۇ مۈشۈكئېييىق بالىسىغا ئىسىم تاللاش باشلانغان. يېڭىدىن تۇغۇلغان مۈشۈكئېيىق بالىسى چىشى بولۇپ، تۇغۇلغاندىكى بەدەن ئېغىرلىقى پەقەت 75 گىرام كەلگەن، ھازىرقى ئۇنىڭ ئېغىرلىقى 604 گىرامغا چىققان. 9-ئاينىڭ 13-كۈنىدىن باشلاپ، ساياھەتچىلەر ھەر كۈنى ئىككى قېتىم بۇ مۈشۈكئېيىق بالىسىنى كۆرسە بولىدىكەن.
