تىيانشان تورى   ›   خەۋەر مەركىزى   ›   مىللەتلەر ئىتتىپاقلىشىپ بىر ئائىلە كىشىلىرىدەك بولۇش

شاڭخەيلىك ‹‹دادام–ئاپام›› كېلىپ مېنى يوقلىدى

شىنجاڭ گېزىتى مۇخبىرى خې خۇڭۋېي

  8–ئاينىڭ 22–كۈنى، مورى قازاق ئاپتونوم ناھىيەسى ‹‹يىنيۈەن›› ئاھالىلەر ئولتۇراق رايونىدا ئولتۇرىدىغان ئاقاننىڭ ئۆيى ناھايىتى قىزىپ كەتتى، ئۈستەلگە بوغۇرساق، ساڭزا ۋە ھەرخىل قۇرۇق يەل–يېمىشلەر تىزىلغان بولۇپ، بايرام كەيپىياتىغا چۆمگەنىدى.

  ‹‹تاماق يەيلى، بۇ بىر پارچە قوي گۆشىنى سىزگە تۇتاي...››. تاماق ئۈستىلىدە، ئاقان پىشۇرۇلغان قوي گۆشىنى پارچىلاپ، بىرىنچى پارچىسىنى شاڭخەيلىك ‹‹دادا››سى ياۋ جىنرۇڭنىڭ قاچىسىغا سېلىپ قويدى. بۇنى كۆرگەن شاڭخەيلىك ‹‹ئاپا››سى جاۋ يۆخۇا ناھايىتى خۇش بولۇپ كەتتى. تاماقتىن كېيىن، قازاق مىللىتىنىڭ ‹‹قارا يورغا››سىنىڭ رىتىمىغا جور بولغاچ، ئاقان ئەر–خوتۇن ئۆلچەپ تىكىلگەن ‹‹چاپان››نى ياۋ جىنرۇڭ ئەر–خوتۇنغا سوۋغا قىلدى ھەم ئۇلارغا نەپىس دوپپا كىيگۈزۈپ قويدى.

  ئىككى ئائىلە كىشىلىرى 2017–يىلى 8–ئاينىڭ 20–كۈنى شاڭخەيدىن ئۈرۈمچىگە قاتنايدىغان نۆۋەتچى پويىزدا تونۇشۇپ قالغانىدى. ئەينى چاغدا قىزىغا ھەمراھ بولۇپ يازلىق لاگېرغا بارغان ئاقان شاڭخەيدىن ئۈرۈمچىگە ساياھەتكە ماڭغان ياۋ جىنرۇڭ ئەر–خوتۇن بىلەن تونۇشۇپ، سەپەردە ناھايىتى كۆڭۈللۈك مۇڭداشقان ئىدى. ئۇلار ئايرىلغاندىن كېيىن، ئىككى ئائىلە كىشىلىرى دائىم سىندا پاراڭلىشىپ، بىر–بىرىدىن ئەھۋال سورىشىپ تۇردى. ياۋ جىنرۇڭ مۇنداق دېدى: ئاقان ئوغلۇم بىلەن تەڭ دېمەتلىك ئىكەن، ئۇ دائىم بىزنى مورىغا كېلىپ كۆرۈپ بېقىشقا تەكلىپ قىلاتتى. شۇنىڭ بىلەن، خوتۇنۇم ئىككىمىز يازدا بېرىپ تۇغقانلىشىشنى مەسلىھەتلەشتۇق، ئاقاننىڭ ئۆيىگە كەلگىنىمىزدە، ئاقاننىڭ ئاتا–ئانىسى بىز بىلەن قۇچاقلىشىپ كۆرۈشتى، ھېچقانداق ياتسىراش ھېس قىلمىدۇق.

  ئاقان مۇنداق دېدى: شاڭخەيلىك ‹‹دادام، ئاپام›› بالىلىرىمغا نۇرغۇن ئوقۇش بۇيۇملىرى، ئويۇنچۇق ھەم كىيىم–كېچەكلەرنى ئەۋەتىپ بەردى، ئۇلار بىز بىر ئائىلە كىشىلىرىگە ناھايىتى ياخشى مۇئامىلە قىلىدۇ.

  ئاقان ياۋ جىنرۇڭ ئەر–خوتۇننى باشلاپ شۇيموگۇ، سەيزىگۇ، پىڭدىڭشەن قاتارلىق جايلارغا ئاپىرىپ، ئۇلارنى مورىنىڭ سېھرىي كۈچىدىن بەھرىلەندۈردى. ياۋ جىنرۇڭ ھاياجانلانغان ھالدا مۇنداق دېدى: خوتۇنۇم ئىككىمىز شاڭخەيدىن گۈزەل مورىغا كېلىپ، قازاق ئوغلۇم ۋە ئۇنىڭ ئائىلىسىدىكىلەر بىلەن بەختلىك مىنۇتلارنى بىللە ئۆتكۈزۈپ، قويۇق مىللەتلەر ئىتتىپاقلىقى كەيپىياتىنى تولۇق ھېس قىلدۇق، بەكلا خۇشال بولدۇق، بەختكە چۆمۈلدۇق!

  ياۋ جىنرۇڭ تاپىلاپ مۇنداق دېدى: سىلەر چوقۇم شاڭخەيگە بېرىڭلار، بالىلىرىڭلارنىمۇ بىللە ئېلىپ بېرىڭلار، ئۇ يەردە قېرىندىشىڭلار بار.

مەسئۇل مۇھەررىر : قۇربانجان قېيۇم

ئەسكەرتىش:

تورىمىزدىكى ئەسەرلەرنىڭ نەشر ھوقۇقى شىنجاڭ يېڭى تاراتقۇلار مەركىزىگە تەۋە، ھەرقايسى تاراتقۇلار كۆچۈرۈپ تارقاتقاندا « تىيانشان تورى » دەپ مەنبەنى ئېنىق ئەسكەرتىشى كېرەك، بولمىسا قانۇنىي جاۋابكارلىقى سۈرۈشتە قىلىنىدۇ.

  • شىنجاڭ ئېكولوگىيەسىدىكى زور بايقاش: خوشۇت جىنشاتەندە قۇش ئۇۋىسى مىڭدىن ئاشىدىغان قۇش ئارىلى بايقالدى
  • سۈزۈك سۇ، يېشىل قىرغاقلار ئەتىۋارلىق قۇشلارنى جەلپ قىلدى ‏
  • كۇچادا ئۆرۈك پىشتى ‏
ئالاقىلىشىڭ ئەسەر ئەۋەتىڭ خەت قالدۇرۇڭ تورىمىز ئىختىيارى مۇخبىرلار خەت ساندۇقى