رېئودې ژانېيرودا «تۇنجى تۈركۈمدىكى جۇڭگو چايچى دېھقانلىرى برازىلىيەدىكى خاتىرە تېشى ئالدىغا يېتىپ كەلدى» باش تېمىسىدىكى يوپۇق ئېچىش مۇراسىمى ئۆتكۈزۈلدى

     شىنخۇا ئاگېنتلىقى خەۋىرى: برازىلىيەنىڭ تۇنجى «جۇڭگو كۆچمەنلەر كۈنى» نى تەبرىكلەش ئۈچۈن، جۇڭگونىڭ رېئودې ژانېيرودا تۇرۇشلۇق باش كونسۇلخانىسى بىلەن رېئودې ژانېيرو ئۆسۈملۈك باغچىسى 8-ئاينىڭ 15-كۈنى بىرلىكتە «تۇنجى تۈركۈمدىكى جۇڭگو چايچى دېھقانلىرى برازىلىيەدىكى خاتىرە تېشى ئالدىغا يېتىپ كەلدى»  تېمىسىدىكى يوپۇق ئېچىش مۇراسىمى ئۆتكۈزدى، ھەمدە بۇ خاتىرە تېشى ئارقىلىق تېخىمۇ كۆپ كىشىلەرنىڭ جۇڭگو-برازىلىيە ئىككى دۆلەتنىڭ ئۇزاق تارىخقا ئىگە دوستلۇقىنى چۈشىنىشى ۋە ئەستە ساقلىشىنى ئۈمىد قىلدى. بۇ يىل 6-ئايدا، برازىلىيە زۇڭتۇڭى زوئېتېرمېر رەسمىي پەرمان ئىمزالاپ، ھەر يىلى 8-ئاينىڭ 15-كۈنىنى «جۇڭگو كۆچمەنلەر كۈنى» قىلىپ تەسىس قىلغان.