شەھەر ئىستېمالى سەھەر گېزىتى خەۋىرى: داۋانچىڭ رايونىنىڭ 6-نۆۋەتلىك گۈل چاي مەدەنىيتى ساياھەت بايرىمى ۋە يېمەك-ئىچمەك بايرىمى 8-ئاينىڭ 18-كۈنىدىن 8-ئاينىڭ 19-كۈنىگىچە ئۈرۈمچى داۋانچىڭ رايونى شىگوۋ يېزىسىدا ئۆتكۈزۈلىدۇ. بۇ ۋاقىتتا، شەھەر ئاممىسى گۈل چاي ئۆستۈرۈش بازىسىدىن ھەقسىز گۈل چاي ئۈزۈۋالسا بولىدۇ.
مۇخبىرنىڭ 8-ئاينىڭ 13-كۈنى داۋانچىڭ رايونىنىڭ 6-نۆۋەتلىك گۈل چاي مەدەنىيتى ساياھەت بايرىمى ۋە يېمەك-ئىچمەك بايرىمى ئاخبارات ئېلان قىلىش يىغىنىدىن ئىگىلىشىچە، بۇ نۆۋەتلىك گۈل چاي بايرىمى «قارلىق چوققا، قار سۈيى، تاغ گۈلى» باش تېمىسىدا ئۆتكۈزۈلىدىغان بولۇپ، گۈل چاي مەھسۇلاتلىرى كۆرگەزمىسى، گۈل چاي سەنئىتى كۆرگەزمىسى، فوتوسۈرەت كۆرگەزمىسى، ھۆسىنخەت يېزىش، سەنئەت نومۇرلىرىنى كۆرسىتىش، ھەقسىز گۈل چېيى ئۈزۈش، يېمەك-ئىچمەك مۇسابىقىسى، يېمەك-ئىچمەك مەدەنىيىتى، يەرلىك ئالاھىدە مەھسۇلات كۆرگەزمىسى، ئەركىن بېلىق تۇتۇش قاتارلىق مەزمۇنلارنى ئۆز ئىچىگە ئالىدىكەن.