خەن جۈن ئەر-خوتۇن 8-ئاينىڭ 8-كۈنى قارا ئالقاتلارنى ئۈزمەكتە.
ئۆز خەۋىرىمىز: 8-ئايدا قارا ئالقاتلار پىشىش مەزگىلىگە كىرىدىغان بولۇپ، چۆچەك شەھىرى ئەرگۇڭ بازىرىنىڭ ئاياغ قاراڭگۇر كەنتىدىكى خەن جۈن ئەر-خوتۇن ئېتىزلىقتا قارا ئالقاتلارنى ئۈزۈشكە باشلىدى.
ئىگىلىنىشىچە، خەن جۈن ئەر-خوتۇن يېتىشتۈرگەن قارا ئالقاتلار 2015-يىلى نىڭشيادىن كىرگۈزۈلگەن بولۇپ، تېرىلغۇ يەر كۆلىمى 10 مو، جەمئىي 60 مىڭ يۈەندىن ئارتۇق مەبلەغ سېلىنغان. ھازىر ھەر بىر كىلوگىرام قارا ئالقاتنىڭ بازار باھاسى 600 يۈەن ئەتراپىدا بولۇپ، بۇ يىل 40 مىڭ يۈەن ئەتراپىدا كىرىم قىلىش مۆلچەرلەنگەن.